Ці ёсьць рэвалюцыі асуджаныя на расчараваньне, а пасьля на дыктатуру? Чаму некаторыя эўрапейцы лічаць, што Эўропа перажывае заняпад? Ці адступае Захад перад Расеяй?
Прапануем вашай увазе першую частку эксклюзіўнага эўрапейскага дыскусійнага клюбу «Майдан». Відэазапіс унікальнай дыскусіі палітыкаў і інтэлектуалаў зь некалькіх краін, арганізаванай Чэскім цэнтрам у Кіеве. Сярод тэмаў дыскусіі — тактыка і прапаганда пуцінскай Расеі, карупцыя і алігархія ва Ўкраіне, нацыяналізм у Польшчы і Вугоршчыне, крызіс лібэральнай дэмакратыі ў Чэскай Рэспубліцы і Славаччыне.
З мадэратарам, вядомым славацкім журналістам Штэфанам Грыбам гавораць украінская дэпутатка парлямэнту і адна зь вядучых дзяячак рэвалюцыі на Майдане Святлана Залішчук, беларускі апазыцыйны палітык Анатоль Лябедзька, чэскі кандыдат у прэзідэнты Марэк Гілшэр і былы міністар замежных справаў Вугоршчыны Геза Есэнскі.