Сьледчы камітэт Расеі ўвечары ў нядзелю паведаміў, што ў выніку катастрофы пасажырскага самалёта «Сухой Суперджэт» авіякампаніі «Аэрофлот» у маскоўскім аэрапорце Шарамецьцева загінуў 41 чалавек, у тым ліку 1 член экіпажа. Усяго на борце было 78 чалавек — 73 пасажыры і 5 членаў экіпажа.
Раней Сьледчы камітэт паведаміў аб 13 загінулых у катастрофе, у тым ліку двух дзецях. У новым паведамленьні ўдакладненых колькасьць загінуўшых наўпрост не названая. Крыніца «Інтэрфакса» паведамляе, што ўсяго мог загінуць 41 чалавек.
Крыніцы інфармацыйных агенцтваў і іншыя СМІ называюць розныя лічбы пацярпелых. Вядома, што некалькі чалавек шпіталізаваныя, іншыя адмовіліся ад мэдычнай дапамогі.
Самалёт зрабіў аварыйную пасадку і загарэўся. Ён выконваў рэйс SU-1492 Масква — Мурманск і ўляцеў у 17:57 па маскоўскім часе. У 18:25 пілёты даклалі аб аварыйнай сытуацыі, праз пяць хвілін пасьля гэтага самалёт, які вярнуўся ў Шарамецьцева, зрабіў пасадку. Эвакуацыя пасажыраў была праведзена з дапамогай выратавальных трапаў. Прэс-сакратар «Аэрафлота» падкрэсьліў, што эвакуацыя была праведзена за 55 сэкунд, гэта хутчэй, чым трэба па нарматывам. Аднак, як паведамляе «Інтэрфакс» са спасылкай на крыніцы, частка людзей у хваставым адсеку самалёта не пасьпела эвакуіравацца..
Па адных паведамленьнях, адбыўся пажар на борце (крыніца ТАСС называе ў якасьці прычыны маланку), па іншых – пажар успыхнуў пры жорсткай аварыйнай пасадцы. Дакладныя прычыны ўзгараньня невядомыя. Распачатая крымінальная справа, створана камісія для расьсьледаваньня прычынаў катастрофы.
Телеграм-канал Baza апублікаваў відэа, на якім бачна, што падчас пасадкі лайнэр быў ахоплены агнём. У сацсетках зьявіліся фота і відэа відавочцаў, на якіх відаць, як пасажыры пакідаюць падпалены самалёт.
По одной из версий, в самолет при взлете попала молния:https://t.co/WgvwyS2vHr pic.twitter.com/DYPQrrwRCh
— Илья Варламов (@varlamov) May 5, 2019
В аэропорту Шереметьево пожар. Горит самолёт. Никого из других самолетов не выпускают. pic.twitter.com/raX0n5VhrO
— Norenko Mikhail (@norenko_mikhail) May 5, 2019
Самолёт уже вовсю полыхает, а люди только-только спускаются по надувному трапу https://t.co/ClcsTAQbsN
— Руслан Левиев (@RuslanLeviev) May 5, 2019
⚡️ В аэропорту Шереметьево сел горящий самолёт"Аэрофлота": https://t.co/c0XKQ8TeHg pic.twitter.com/fyyd4WAhcY
— Life | Новости (@lifenews_ru) May 5, 2019
Пажар патушаны. Хваставая частка самалёта амаль цалкам згарэла. Паводле інфармацыі вытворцы, кампаніі «Сухой», лайнэр быў выпушчаны ў жніўні 2017 году і прайшоў тэхабслугоўваньне ў красавіку 2019 году.
#ЭКСКЛЮЗИВ В МЧС сообщили о ликвидации открытого горения на борту самолета в "Шереметьево". Публикуем #ФОТО последствий https://t.co/TJCTAkJRUm pic.twitter.com/RHIdAPQtMd
— РЕН ТВ | Новости (@rentvchannel) May 5, 2019
«Сухой Суперджет» – першы пасажырскі самалёт, распрацаваны ў Расеі пасьля распаду СССР. Эксплёатуецца грамадзянскімі авіякампаніямі некалькіх краінаў (пераважна – Расеі) з 2011 году. Катастрофа SU-1492 – сёмы па ліку інцыдэнт з лайнэрамі гэтага тыпу. Раней аварыя SSJ-100, якая скончылася чалавечымі ахвярамі, адбылася ў Інданэзіі ў 2012 годзе, тады загінулі 45 чалавек.