Вярхоўная Рада Ўкраіны зарэгістравала законапраект, які прадугледжвае канфіскацыю незаконных актываў чыноўнікаў і пакараньне за набыцьцё такіх актываў.
Законапраект прапанаваў кіраўнік дзяржавы Ўладзімір Зяленскі. Тэкст дакумэнту не публікуецца.
У лютым Канстытуцыйны суд Украіны прызнаў неканстытуцыйным артыкул Крымінальнага кодэксу Ўкраіны аб незаконным узбагачэньні. Пасьля гэтага ў парлямэнт Украіны ўнесьлі больш за 10 законапраектаў аб вяртаньні гэтага артыкула ў Крымінальны кодэкс у новай рэдакцыі.