Прэзыдэнт Украіны Уладзімір Зяленскі прыбыў у штаб-кватэру Паўночнаатлянтычнага альянсу і сустрэўся з генэральным сакратаром NATO Енсам Столтэнбэргам, паведамілі ў Адміністрацыі украінскага прэзыдэнта.
Володимир Зеленський прибув до штаб-квартири @NATO. pic.twitter.com/dxswwbaRoC
— APU (@APUkraine) June 4, 2019
Паводле прэс-сакратара прэзыдэнта, Юліі Мельнік, у прыватнасьці, ён абмеркаваў са Столтэнбэргам ваенныя дзеяньні на Данбасе.
«Генэральны сакратар асудзіў выдачу расейскіх пашпартоў жыхарам Данбасу. Генэральны сакратар заклікае Расею вярнуць захопленых украінскіх маракоў», — сказала яна.
@ZelenskyyUA discussed the military actions in the Donbas with @jensstoltenberg. The Secretary General condemned the issuance of Russian passports to residents of the Donbas. Secretary General demanded that Russia must return the captured Ukrainian sailors pic.twitter.com/rryU5rGQli
— Iuliia Mendel (@IuliiaMendel) June 4, 2019
Раней Зяленскі, які наведвае з афіцыйным візытам Брусэль, сустрэўся з Жанам-Клёдам Юнкерам, прэзыдэнтам Эўрапейскай камісіі.
Раней Адміністрацыя прэзыдэнта паведамляла, што Ўладзімір Зяленскі 4-5 чэрвеня будзе ў Брусэлі, дзе наведае інстытуцыі ЭЗ і NATO. Потым паведамлялася, што Зяленскі мае намер інфармаваць партнэраў у ЭЗ і NATO аб сытуацыі ў галіне бясьпекі на ўсходзе Ўкраіны, абмеркаваць шляхі актывізацыі міжнародных намаганьняў для спыненьня вайны на Данбасе, а таксама абмяняцца меркаваньнямі з кіраўнікамі ЭЗ і Альянсу аб далейшых ключавых рэформах ва Ўкраіне.