Італьянскі модны дом Versace папрасіў прабачэньня за выпуск у продаж адзеньня, на якім спэцыяльныя адміністрацыйныя раёны Кітаю Ганконг і Макао адзначаны як асобныя дзяржавы.
The Company apologizes for the design of its product and a recall of the t-shirt has been implemented in July. The brand accepts accountability and is exploring actions to improve how we operate day-to-day to become more conscientious and aware. pic.twitter.com/5K8u3c4Dbm
— VERSACE (@Versace) August 11, 2019
Газэта China Daily адзначае, што просьба аб прабачэньні зьявілася пасьля жорсткай крытыкі ў сацыяльных сетках Кітаю. З 24 ліпеня кампанія пачала здымаць з продажу і зьнішчаць усю партыю адзеньня з памылкай.
У Versace заявілі, што любяць Кітай і паважаюць яго тэрытарыяльны і нацыянальны сувэрэнітэт.
Italian luxury brand @Versace apologizes on Sunday for mislabeling China%27s #HongKong Special Administrative Region and #Macau Special Administrative Region as countries on one of its T-shirt designs pic.twitter.com/V8Uyk2GXEu
— People%27s Daily, China (@PDChina) August 11, 2019
Футболкі, выявы якіх былі распаўсюджаныя ў сацыяльных сетках, паказвалі пары «горад — краіна», такія як «Мілян — Італія» і «Лёндан — Вялікабрытанія». Былі там і пары «Ганконг — Ганконг» і «Макао — Макао».
Нягледзячы на выбачэньні, ад супрацоўніцтва з Versace адмовілася кітайская акторка Ян Мі, якая была тварам моднага дому ў Кітаі. У нядзелю 11 жніўня яна спыніла кантракт з модным домам, які падпісала ў чэрвені.
- Летась амэрыканскі рэтэйлер Gap папрасіў прабачэньня за продаж футболак, якія, паводле кампаніі, паказалі «няправільную карту» Кітаю. Там быў паказаны толькі мацерыковы Кітай, без Тайваня, які ў Пэкіне лічаць мяцежнай правінцыяй.