Інфармацыйнае агенцтва БелТА 23 верасьня апублікавала рэпартаж з уборкі ўраджаю на «экспэрымэнтальных палях» Аляксандра Лукашэнкі. Публікуем 5 цікавых цытат адтуль.
- «Разьвіцьцё аграрнай галіны ў цэлым на пастаянным кантролі кіраўніка дзяржавы. Акрамя таго, прэзыдэнт асабіста праводзіць экспэрымэнты, каб быць у курсе апошніх тэндэнцый галіны, апрабаваць тэхналёгіі і новыя віды культур. Пасьля лепшыя і самыя пасьпяховыя з напрацовак укараняюцца ўжо масава».
- «Сёлета насеньне бахчавых прывезьлі проста з Узбэкістану. Па просьбе беларускага лідэра яго калега і сябра Шаўкат Мірзіёеў даслаў найлепшае насеньне ўзбэцкіх дынь».
- «Таксама ўважліва, хоць і дыстанцыйна, назірае прэзыдэнт за садам сяброўства Беларусі і Таджыкістану».
- «У апошнія дні на прэзыдэнцкіх палях пачалася ўборка бульбы розных сартоў. Як толькі дазваляе надворʼе і насычаны графік, кіраўнік дзяржавы асабіста ў полі. Разам зь ім і ўсе тыя, каго больш звыкла на працягу тыдня бачыць у дзелавых гарнітурах, хто ў штодзённым рэжыме працуе разам з прэзыдэнтам. Улічваючы абʼёмы, прыходзяць на дапамогу і спэцыялісты».
- «Такім чынам, прэзыдэнцкія палі ня першы год ужо служаць яшчэ адной экспэрымэнтальнай пляцоўкай для айчынных сэлекцыянэраў, даючы магчымасьць ня толькі прэзыдэнту займацца любімай для яго справай, але і прыносяць безумоўныя бонусы для галіны ў цэлым».