Белы дом афіцыйна абвясьціў, што ЗША выведуць свае войскі з рэгіёнаў на поўначы Сырыі, у асноўным населеных курдамі, і ня будуць браць удзелу ў антытэрарыстычнай апэрацыі Турэччыны супраць тамтэйшых баевікоў «ісламскай дзяржавы».
Пра гэта гаворыцца ў распаўсюджанай у ноч на 7 кастрычніка заяве адміністрацыі Дональда Трампа.
BREAKING: In an extraordinary Sunday night statement, the White House announces that the US "will no longer be in the immediate area" of Northern Syria, allow Turkey to launch an invasion in the region and give Turkey responsibility for captured ISIS fighters in the area. pic.twitter.com/Ytu8t3BLUg
— NBC News (@NBCNews) October 7, 2019
Прэзыдэнт ЗША Дональд Трамп напярэдадні абмеркаваў па тэлефоне плянаваную Турэччынай апэрацыю з прэзыдэнтам Турэччыны Рэджэпам Эрдаганам. Прэзыдэнт Турэччыны раніцай 7 кастрычніка абвясьціў, што ЗША ўжо пачалі вывад сваіх войскаў з рэгіёну, дзе будзе праведзена апэрацыя.
У заяве Белага дому сказана, што амэрыканскія войскі выканалі сваю задачу — разграмілі тэрарыстычную групоўку «ісламская дзяржава» на поўначы Сырыі.
Трамп пазьней у Твітэры напісаў, што для ЗША «прыйшоў час выйсьці з гэтых бясконцых войнаў» у Сырыі, «многія зь якіх племянныя», а таксама «вярнуць нашых салдат дадому».
....almost 3 years, but it is time for us to get out of these ridiculous Endless Wars, many of them tribal, and bring our soldiers home. WE WILL FIGHT WHERE IT IS TO OUR BENEFIT, AND ONLY FIGHT TO WIN. Turkey, Europe, Syria, Iran, Iraq, Russia and the Kurds will now have to.....
— Donald J. Trump (@realDonaldTrump) October 7, 2019
Курдзкія фармаваньні, якія ўваходзяць у кааліцыю «Сілы дэмакратычнай Сырыі» (СДС), 7 кастрычніка абвясьцілі ўсеагульную мабілізацыю і пачалі капаць супрацьтанкавыя равы і ўзводзіць абарончыя ўмацаваньні на выпадак ўварваньня турэцкіх войскаў. 6 кастрычніка ўвечары, пасьля абвяшчэньня Белага дому, у курдзкіх гарадах прайшлі шматтысячныя дэманстрацыі. Іх удзельнікі выступілі супраць уводу турэцкіх войскаў на поўнач Сырыі і правядзеньня там вайсковай апэрацыі.
Прадстаўнік СДС Мустафа Балі папярэдзіў, што курды «пачнуць паўсюдную вайну супраць турэцкай арміі, калі яна ўвойдзе ў падкантрольныя ім рэгіёны».
ГЛЯДЗІЦЕ ТАКСАМА: ААН: У 2018 годзе ва ўзброеных канфліктах забілі або паранілі 12 тысяч дзяцей