Прэс-служба беларускага мабільнага апэратара А1 (былы Velcom) паведаміла пра падпісаньне беларускімі і аўстрыйскімі чыноўнікамі супольнай дэклярацыі аб супрацы ў сфэры сувязі і ў тым ліку ў пабудове сеткі 5G.
ГЛЯДЗІЦЕ ТАКСАМА: Што трэба ведаць пра 5GЦяпер у Беларусі дзейнічаюць сеткі мабільнай сувязі другога, трэцяга і чацьвёртага пакаленьняў. Калі сеткі 2G і 3G будавалі самі апэратары, то 4G-сетку (па тэхналёгіі LTE) будаваў на сродкі мабільных апэратараў напаўдзяржаўны інфраструктурны апэратар beCloud. МТС падключыў 4G у сьнежні 2015 году, Life:) — у жніўні 2016-га. Velcom доўга спрачаўся з beCloud і атрымаў доступ да сеткі толькі ў сакавіку 2019-га.
Velcom наракаў, што кампаніі не дазваляюць разгарнуць сваю сетку самастойна, хоць трэба толькі дазвол на выкарыстаньне частотаў, а абсталяваньне гатовае, «дастаткова націснуць кнопку».
Цяпер апэратар А1 адзначае, што LTE даступнае толькі ў буйных гарадах, і сьцьвярджае, што beCloud не зацікаўлены ў разьвіцьці пакрыцьця ў малых гарадах і на вёсцы. Нядаўна А1 перадала beCloud уласнае абсталяваньне для 4G у Пінску, дзе сетка інфраструктурнага апэратара працавала кепска.
ГЛЯДЗІЦЕ ТАКСАМА: Зьявілася мапа 4G-пакрыцьця Беларусі. У Драздах ня ловіць. А ў вас? ГЛЯДЗІЦЕ ТАКСАМА: Беларускі 4G-інтэрнэт назвалі самым павольным у Эўропе ГЛЯДЗІЦЕ ТАКСАМА: Мабільны інтэрнэт у Беларусі каштуе больш чым у Аўстрыі, Італіі і ФінляндыіМацярынская кампанія беларускага А1 — аўстрыйская A1 Telekom Austria Group (60% якой, у сваю чаргу, валодае мэксыканская América Móvil). Але не сама кампанія, а ўлады Аўстрыі цяпер паабяцалі Беларусі дапамогу ў IT-сфэры, разьвіцьці шырокапалоснай сувязі і ўкараненьні 5G, а таксама кансультацыі ў распрацоўцы нарматыўнай базы для канкурэнтнага і спрыяльнага інвэстыцыям асяродзьдзя ў галіне сувязі.
A1 ужо прапаноўвала беларускім уладам сваё бачаньне пабудовы 5G і яшчэ летась падавала заяўку на доступ да радыёчастотнага спэктру пад 5G «на камэрцыйных умовах, роўных для ўсіх інвэстараў». Але афіцыйна рашэньне пра тое, ці дадуць апэратарам самім будаваць сетку, ці паўтораць сцэнар з інфраструктурным апэратарам, яшчэ не прынятае.
ГЛЯДЗІЦЕ ТАКСАМА: Як пачынаўся інтэрнэт у Беларусі — і што зь ім стала. 15 важных датаў ГЛЯДЗІЦЕ ТАКСАМА: Як Лукашэнка знаёміўся з IT: ад «сьметніцы» і «мацерных словаў» да «пляфонаў» і «лічбавізацыі»