У цэнтры Лёндану адбыўся інцыдэнт, паведамляецца пра параненых. Паліцыя, якая прыбыла на месца здарэньня, адкрыла агонь, адзін чалавек затрыманы.
Паводле папярэдніх дадзеных, на Лёнданскім мосьце мінакі ўступілі ў канфрантацыю зь нейкім чалавекам. Прадстаўнікі паліцыі паведамілі, што да іх каля 2 гадзін дня паступіў выклік у сувязі з нападам чалавека, узброенага нажом. На месца здарэньня прыбыла паліцыя і адкрыла агонь.
Крыніцы газэты The Guardian кажуць, што нападнік быў паранены. Паводле выданьня параненыя пяць чалавек, некаторыя — у цяжкім стане. Служба хуткай дапамогі назвала гэта «сур’ёзным здарэньнем».
Гарадзкая паліцыя паведаміла, што схільная разглядаць інцыдэнт як зьвязаны з тэрорам.
At this stage, the circumstances relating to the incident at #LondonBridge remain unclear. However, as a precaution, we are currently responding to this incident as though it is terror-related.One man has been shot by police. We will provide further information when possible.
— Metropolitan Police (@metpoliceuk) November 29, 2019
Вакол моста былі ўсталяваныя паліцэйскія кардоны, мост зачынены. Да расьсьледаваньня прыцягнута контртэрарыстычнае падразьдзяленьне Скотланд-Ярду.
Супрацьстаяньне зьнялі на відэа мінакі.
London Bridge Attack pic.twitter.com/1R6v0j1o51
— Wolfgang Kitzler (@wolfgangert) November 29, 2019