У Парыжы прайшоў саміт «нармандзкай чацьвёркі». Дэлегацыі Ўкраіны, Расіі, Францыі і Нямеччыны абмяркоўвалі спыненьне агню на Данбасе, абмен палоннымі, кантроль над мяжой і правядзеньне мясцовых выбараў.
Прэзыдэнт Украіны Ўладзімір Зяленскі правёў асобныя сустрэчы з францускім лідэрам Эманюэлем Макронам і канцлеркай нямеччыны Ангелай Мэркель.
Чатырохбаковая сустрэча пачалася на паўтары гадзіны пазьней за заплянаваны час. Каля 22-й гадзіны паводле менскага часу сустрэчу прыпынілі для двухбаковай сустрэчы Зяленскага і прэзыдэнта Расеі Ўладзіміра Пуціна, пасьля чаго яшчэ нейкі час ішлі агульныя перамовы.
Пакуль што з Парыжу ёсьць паведамленьні, што бакі не змаглі дамовіцца.
As expected, Zelensky and Putin reportedly didn%27t even touch on the very contentious issue of control over Ukraine%27s easternmost border (when and how Kyiv would regain control, that is). Zelensky said recently he didn%27t expect to get to it in Paris. https://t.co/FVl0Wj2bMI
— Christopher Miller (@ChristopherJM) December 9, 2019
Перад сустрэчай паведамлялася, што на перамовах Кіеў будзе патрабаваць ад Расеі канчатковага абмену зьняволенымі ў фармаце «ўсіх на ўсіх», у тым ліку — украінцаў, якія ўтрымліваюцца на тэрыторыі Данбаса, непадкантрольнай Украіне.
Прэзыдэнт Зяленскі таксама заявіў, што будзе патрабаваць абсалютнага спыненьня агню на Данбасе і кантролю над усёй мяжой паміж Украінай і Расеяй. Цяпер Кіеў не кантралюе каля 400 кілямэтраў мяжы на ўсходзе краіны.
Крыніцы ў Крамлі раніцай 9 сьнежня паведамілі, што Расея мае намер заняць «жорсткую пазыцыю» на перамовах. Расея, як мяркуецца, будзе патрабаваць ад Украіны правядзеньня выбараў на непадкантрольных тэрыторыях і асаблівага статусу для тэрыторый Данбаса.
Раней прэзыдэнт Зяленскі заяўляў, што ня дасьць аўтаноміі сэпаратысцкім рэгіёнам на ўсходзе Ўкраіны.