Паэт і былы кандыдат у прэзыдэнты Беларусі Ўладзімер Някляеў зьвярнуўся з адкрытым лістом да расейскага пісьменьніка Дзьмітрыя Быкава.
20 сьнежня Быкаў у эфіры радыёстанцыі «Эхо Москвы» ацаніў сытуацыю ў Беларусі фразай «25 гадоў фактычнага рабства дарма не прайшлі».
«Я бачыў у Беларусі ў апошнія 25 гадоў жахлівую дэградацыю на ўсіх узроўнях. І вялікай літаратуры за апошні час я там ня бачыў, хоць аддалена параўнальнай з Караткевічам і нават з Алексіевіч. Я ня бачыў за апошні час там сур’ёзнай драматургіі, кінэматографу. Ня бачыў я там нічога, што магло б неяк справакаваць культурны выбух. А раз гэтага няма, то няма і апазыцыі».
Дзьмітрый Быкаў
Уладзімер Някляеў пачынае свой ліст так: «Хацеў напісаць вам, Дзьмітрый Львовіч, яшчэ год таму, калі вы прыяжджалі ў Беларусь, якую "ніколі ня бачылі такой спалоханай". Настолькі спалоханай, што "нават апазыцыйныя інтэлігенты гатовыя згуртавацца вакол Лукашэнкі як ледзь не апірышча супраціву рускаму сьвету".
ГЛЯДЗІЦЕ ТАКСАМА: «Далучайся!» на Зыбіцкай. У Менску прайшоў самы масавы мітынг супраць інтэграцыі з РасеяйЯ хацеў спытаць вас тады: з чаго вы гэта ўзялі? Каго мелі на ўвазе? Маючы дачыненьне да "апазыцыйных інтэлігентаў", запэўніваю вас, што ніколькі не спалоханы, і гатовы "згуртавацца ў супраціве рускаму сьвету" вакол каго заўгодна, толькі не "вакол Лукашэнкі". Як і вы, спадзяюся, не гатовыя згуртавацца ў барацьбе за рускі сьвет вакол Пуціна».
Някляеў паказвае здымкі з апошніх пратэстаў у Менску супраць інтэграцыі з Расеяй: «Гэтыя людзі падобныя на перапалоханых рабоў? Нават чалавек, якому 82 гады, адказвае журналісту, спытаеце, што ён будзе рабіць, калі Расея паспрабуе далучыць Беларусь: «Я добра ўмею страляць!»
ГЛЯДЗІЦЕ ТАКСАМА: 82-гадовы ўдзельнік пратэстаў расказаў, як гатовы абараняць незалежнасьць. ВідэаПаводле Някляева, са словаў Быкава можна зрабіць выснову, што Беларусь ня мае шанцаў пасьці па эўрапейскім шляху, але насамрэч «шанцы стаць эўрапейскай краінай у Беларусі ёсьць! І шанцы гэтыя значна вышэй, чым у Расеі, у якой яны пакуль сапраўды не праглядаюцца».
Някляеў таксама адказвае на словы Быкава пра культурны заняпад у Беларусі: «У прадстаўнікоў рускай культуры як было, так і застаецца перакананьне ў непаўнавартаснасьці суседніх зь ёй культур і іх прадстаўнікоў, якія быццам бы па прыроднай, беларускай або ўкраінскай недасканаласьці ня здольныя падняцца ўпоравень з "рускім геніем". У сувязі з гэтым магу нагадаць пра тое, што эўрапейская культура рухалася не з усходу на захад, а наадварот, і што культуры, перш за ўсё літаратуры, пісьменству вучыў Маскву полацкі манах».
ГЛЯДЗІЦЕ ТАКСАМА: У Расеі на школьніках вучыліся разганяць мітынгі. ВІДЭА