Сёньня мусіў вызваліцца з ІЧУ ў Пухавічах блогер Уладзімір Няронскі (YouTube-канал «Слуцк для Жизни»). Ён адбываў там пакараньне — 10 сутак арышту за «удзел у несанкцыянаваным мітынгу».
Тэрмін пакараньня скончыўся 16 траўня. Але аказалася, што блогеру дадалі яшчэ 5 сутак арышту.
Свабодзе паведамілі ў Пухавіцкім РАУС, што Ўладзімір Няронскі будзе адбываць у ізалятары яшчэ пяць сутак арышту «па пастанове суду», Калі менавіта быў суд, па якім артыкуле зноў асудзілі блогера — у міліцыі адмовіліся сказаць.
Уладзіміра Няронскага судзілі ў Магілёве 8 траўня за «арганізацыю несанкцыянаванага мітынгу з публічным абмеркаваньнем улады». Так міліцыя расцаніла сустрэчу жыхароў Магілёва з камандай блогера Сяргея Ціханоўскага.
ГЛЯДЗІЦЕ ТАКСАМА: Каго затрымалі за пратэст супраць параду падчас пандэміі. СьпісНяронскага з паплечнікамі — Арцёмам Сакавым і Аляксандрам Арановічам затрымалі 6 траўня ў пасёлку Дружны.
Арцём Сакаў быў пакараны арыштам на 5 сутак, Аляксандр Арановіч — на шэсьць.
У сакавіку суд караў Уладзіміра Няронскага штрафам у памеры 540 рублёў за сустрэчу з падпісчыкамі, якую міліцыя расцаніла як «несанкцыянаванае мерапрыемства».
Вядомы блогер Сяргей Ціханоўскі (канал «Страна для Жизни») адбывае арышт у 15 сутак у гомельскім ІЧУ. Па ўсёй краіне прайшлі затрыманьні і суды над яго прыхільнікамі, якія прыходзілі на сустрэчы ў розных гарадах з блогерам.
ГЛЯДЗІЦЕ ТАКСАМА: Частку затрыманых з каманды блогера Ціханоўскага вызвалілі ГЛЯДЗІЦЕ ТАКСАМА: Здымаў кліпы, хоча быць прэзыдэнтам. Хто такі Сяргей Ціханоўскі, на якога два дні палявала міліцыяЦіханоўскі меў намер балятавацца ў прэзыдэнты, але ЦВК не зарэгістраваў яго ініцыятыўную групу. Дакумэнты на рэгістрацыю ініцыятыўнай групы падала жонка Ціханоўскага Сьвятлана.
ГЛЯДЗІЦЕ ТАКСАМА: Ужо 34 «кандыдаты ў кандыдаты». Хто падаў дакумэнты на рэгістрацыю ініцыятыўных групаў