Практычна на ўсіх прадпрыемствах ствараюцца страйкавыя камітэты, паведаміў БелаПАН старшыня Беларускага незалежнага прафсаюзу Максім Пазьнякоў.
«Працоўныя выстаўляюць свае патрабаваньні. Асноўныя зь іх: адстаўка Лукашэнкі, сумленныя выбары, спыненьне гвалту з боку сілавікоў і расьсьледаваньне таго, што адбылося, пакараньне вінаватых», — сказаў Пазьнякоў.
Паводле яго, сёньня да сваіх адміністрацыяў людзі выходзілі на «Нафтане» і «Паліміры» ў Наваполацку. «Выступалі, выстаўлялі патрабаваньні. Пагражаюць бестэрміновым страйкам у выпадку іх невыкананьня. На „Гродна Азоце“ — тое ж самае. „Беларуськалій“ (Салігорск) ужо пачаў спыняць вытворчасьць», — паведаміў прафсаюзны лідэр.
ГЛЯДЗІЦЕ ТАКСАМА: Усе шахты «Беларуськалію» спынілі працу. Асноўнае патрабаваньне — адстаўка Лукашэнкі«Практычна на ўсіх прадпрыемствах ствараюцца страйкамы, празь якія будуць каардынавацца дзеяньні рабочых. І гэтыя прадпрыемствы будуць спыняцца. Рашучасьць у людзей сур’ёзная. Людзі не даруюць такога гвалту з боку сілавікоў, які быў на вуліцах нашых гарадоў», — заявіў Пазьнякоў.
ГЛЯДЗІЦЕ ТАКСАМА: Шэсьце рабочых менскіх заводаў праз увесь Менск. ФОТА17 жніўня падчас сустрэчы з працоўнымі Менскага заводу колавых цягачоў Аляксандар Лукашэнка зноў заявіў, што ўладу не аддасьць. «Яны людзей атруцілі сацсеткамі. І ў некаторых склалася думка: усё, улады няма, улада ўпала. Улада ніколі не ўпадзе. Вы мяне ведаеце. Зь імі мы разьбяромся. Проста трэба патрываць», — сказаў ён.
ГЛЯДЗІЦЕ ТАКСАМА: Лукашэнка на МЗКЦ: «Пакуль вы мяне не забʼяце, іншых выбараў ня будзе»«Я разумею, што многія напружаныя сытуацыяй, якая склалася на вуліцах, што там быў гвалт і гэтак далей і да таго падобнае. Адказваю вам на гэтае пытаньне. Патрэбная была падстава для таго, каб вы крычалі: „Сыходзь!“ Добрая падстава. Хоць не без таго, вы ведаеце, што я даручыў разабрацца з кожным фактам. Не без таго, што нехта трапіў пад гэтую раздачу», — заявіў Лукашэнка.
ГЛЯДЗІЦЕ ТАКСАМА: На БМЗ прыпынілі працу печы, працоўныя заблякавалі ўезд транспартуЛукашэнка сьцвярджае, што сілавыя дзеяньні сталі «вынікам правакацыяў з боку пэўных удзельнікаў вулічных беспарадкаў, а аднаму з праваахоўнікаў наагул зламалі хрыбетнік».
«На правакацыі будзем адказваць адпаведным чынам, — падкрэсьліў Лукашэнка. — Супакойцеся. Калі ў кагосьці ёсьць дзеці, вазьміце галаву ў рукі і зразумейце, што ніколі вайсковы чалавек вам не даруе, калі вы яго бʼяце ў сьпіну на аўтамабілі. Я прасіў перад гэтымі падзеямі: не правакуйце іх. Яны будуць абараняць свае семʼі, на якія сёньня ідзе націск праз сацыяльныя сеткі».
ГЛЯДЗІЦЕ ТАКСАМА: Праваабаронцы: Падчас вулічных пратэстаў загінулі ня менш за пяць чалавек, сем — у крытычным стане