Прэм’ер-міністар Польшчы Матэвуш Маравецкі 17 жніўня правёў тэлефанічную размову з кандыдаткай у прэзыдэнты Беларусі Сьвятланай Ціханоўскай і выказаў падтрымку беларусам.
«Я гаварыў па тэлефоне са Сьвятланай Ціханоўскай. Я запэўніў, што беларусы маюць поўную падтрымку Польшчы як у імкненьні да свабоды сваёй Айчыны, так і ў паўсядзённым жыцьці ў Польшчы. Сёньня, праз 40 гадоў пасьля жнівеньскіх пагадненьняў (паміж прафсаюзам „Салідарнасьць“ і камуністычнымі ўладамі. — РС), нам зноў патрэбна гэтая салідарнасьць», — напісаў Маравецкі ў Твітэры.
Rozmawiałem telefonicznie z Swiatłaną Cichanouską. Zapewniłem, że Białorusini mają pełne wsparcie Polski - zarówno w swoim dążeniu do wolności ojczyzny, jak i codziennym życiu w Polsce. Dziś, 40 lat po Porozumieniach Sierpniowych, ta solidarność jest nam znów potrzebna.
— Mateusz Morawiecki (@MorawieckiM) August 17, 2020
Сьвятлана Ціханоўская, якая знаходзіцца ў Літве, заявіла 17 жніўня, што гатовая стаць нацыянальным лідэрам.