Акцыі адбудуцца ў Івана-Франкоўску, Хмяльніцкім, Цярнопалі, Косіве, Раве-Рускай, Дублянах.
Сузаснавальнік Беларускага інфармацыйнага цэнтру ва Ўкраіне, украінскі палітык і экспэрт Юры Сірацюк заявіў, што 20 жніўня з ініцыятывы партыі «Свабода» адбудзецца ўсеўкраінская акцыя салідарнасьці зь Беларусьсю «За вашу і нашу свабоду».
ГЛЯДЗІЦЕ ТАКСАМА: Украіна ўпершыню ў гісторыі адклікала свайго амбасадара зь Менску«Заўтра ў шэрагу гарадоў будуць узьнятыя бел-чырвона-белыя сьцягі і мэры выступяць з заявай аб патрымцы беларускай нацыі. Акцыі адбудуцца ў Івана-Франкоўску, Хмяльніцкім, Цярнопалі, Косіве, Раве-Рускай, Дублянах... І ў горадзе Канатоп, які расейцы добра памятаюць з нашай гісторыі», — сказаў Юры Сірацюк.
Ён заклікаў ўлады іншых украінскіх гарадоў падтрымаць гэтую акцыю.