У Берасьці зьявіўся стыхійны мэмарыял памяці Генадзя Шутава, які 11 жніўня атрымаў ад сілавікоў агнястрэльнае раненьне ў галаву, ад якога 19 жніўня памёр, піша Tut.by.
ГЛЯДЗІЦЕ ТАКСАМА: «У бацьку стралялі са сьпіны ва ўпор». Што кажа дачка пра сьмерць берасьцейца ад раненьня ў галавуГенадзь Шутаў памёр раніцай 19 жніўня ў Менскім вайсковым шпіталі.
«У бацьку стралялі са сьпіны ва ўпор; чалавек, які страляў, быў ззаду яго. Быў вельмі моцна пашкоджаны галаўны мозг, моцны крывацёк, раздрабненьне костак», — расказала Свабодзе дачка загінулага Наста.
Сёньня берасьцейцы нясуць на месца трагедыі на вуліцы Маскоўскай кветкі і лямпадкі.
ГЛЯДЗІЦЕ ТАКСАМА: Міністэрства здароўя пацьвердзіла сьмерць берасьцейца ад агнястрэльнай раны, атрыманай падчас пратэстаўАфіцыйна гэта трэці выпадак гібелі пратэстоўца пры здушэньні пасьлявыбарчых пратэстаў і першы ад агнястрэльнай зброі.
Раней улады прызналі два выпадкі сьмерці: 34-гадовага Аляксандра Тарайкоўскага ў Менску і 25-гадовага Аляксандра Віхора ў Гомлі.