Дэпутаткі Палаты прадстаўнікоў Марыя Васілевіч («Міс Беларусь 2018») і Ірына Луканская (у мінулым галоўны доктар дзіцячай паліклінікі ў Горадні) 20 жніўня наведалі ў шпіталі хуткай дапамогі людзей, якія пацярпелі падчас вулічных акцый пратэсту, паведамляе «Наша Ніва».
«Наша Ніва» папрасіла Марыю Васілевіч падзяліцца ўражаньнямі ад таго, што яна ўбачыла ў лякарні. Паводле Марыі Васілевіч, дэпутаткі хацелі паразмаўляць зь людзьмі, якія пацярпелі падчас вулічных акцыяў, «паглядзець, якія траўмы ў іх, якая патрэбная дапамога», паразмаўляць з мэдыкамі.
Яна выказала падзяку валянтэрам, якія «паказваюць выдатную згуртаванасьць». Як расказаў ёй галоўны доктар, у першыя дні работнікі лякарні «нават не пасьпявалі прымаць усё, што прыносяць людзі», таму цяпер у іх «усяго хапае».
ГЛЯДЗІЦЕ ТАКСАМА: «Міліцыянткі жартавалі і ўсьміхаліся, а побач білі людзей». Менскі інжынэр пра зьбіцьцё і траўмы«Я хацела даведацца, у якіх умовах пацярпелыя атрымалі траўмы, як паводзілі сябе прадстаўнікі сілавых структураў, пачуць гэта зь першых вуснаў, а не з камэнтароў аднаго ці іншага боку. Я чытала, што некаторыя пацярпелыя сутыкаюцца з праблемамі прыняцьця заяваў на дзеяньні сілавікоў, фіксаваньня зьбіцьця, судовай экспэртызы», — сказала Васілевіч.
Яна сказала, што пакінула ўсім, з кім размаўляла, свой нумар тэлефону і гатовая дапамагчы, «калі людзі сутыкнуцца з такімі праблемамі».
«Цяжка ўсьвядоміць, што ў нашай краіне людзі атрымліваюць такія калецтвы на вуліцы ў мірны час. Але мы павінны гэта прызнаць і павінны зрабіць усё, каб гэтага больш ніколі не паўтарылася. Тое, што я ўбачыла, безумоўна, моцна ўражвае.
Я як прадстаўнік дзяржаўнай улады — хоць, можа, і ня маю на тое паўнамоцтваў — прыносіла прабачэньні людзям за атрыманыя імі траўмы. Ня ведаю, маю я на тое права ці не, але па-чалавечы мне вельмі-вельмі шкада», — сказала Марыя Васілевіч.
ГЛЯДЗІЦЕ ТАКСАМА: Жнівень-2020. Мы — сьведкі. „У галаве дзьве гематомы, а саджаюць у турму“. АБНАЎЛЯЕЦЦАПадчас сілавога разгону пратэстаў ня згодных з вынікамі прэзыдэнцкіх выбараў у Беларусі многія атрымалі раненьні гумавымі кулямі і сьвятлашумавымі гранатамі, пры затрыманьні і пасьля, у ізалятарах часовага ўтрыманьня, людзей жорстка зьбіваў АМАП. Вядома ўжо пра чатыры сьмерці ў выніку пратэстаў.
ГЛЯДЗІЦЕ ТАКСАМА: «Некаторыя застануцца інвалідамі», — мянчук атрымаў тры кулявыя раненьні і быў зьбіты
22-гадовая «каралева прыгажосьці» Марыя Васілевіч стала наймаладзейшай дэпутаткай Палаты прадстаўнікоў Беларусі. Васілевіч часта бачылі з 65-гадовым Лукашэнкам на публіцы з тых часоў, як у траўні летась яна атрымала тытул «Міс Беларусь». Яны разам наведвалі дзяржаўныя фэстывалі, хакейныя матчы, а таксама чэмпіянат сьвету ў футболе 2018 году ў Расеі.
The Times адзначае, што Лукашэнка ўзнагародзіў Васілевіч дзяржаўным мэдалём за ўклад у культуру і дабрачыннасьць, а таксама асабіста назіраў за яе падрыхтоўкай да конкурсу «Міс сьвету 2018». На ім яна заняла трэцяе месца.
ГЛЯДЗІЦЕ ТАКСАМА: «Ён яе пападвучвае, дык яна яшчэ стане ягонай пераемніцай». Што кажуць людзі на прыёме ў дэпутаткі Марыі Васілевіч