Былы кандыдат у прэзыдэнты Беларусі Святлана Ціханоўская лічыць сябе пераможцай на выбарах 9 жніўня, а вынік, які прыпісваецца Аляксандру Лукашэнку, — сфальсыфікаваным. Фрагмэнты інтэрвію Ціханоўскай францускай газэце Le Monde прыводзіць Інтэрфакс.
18-ы дзень пратэстаў. Алексіевіч выклікалі ў Сьледчы камітэт. Што адбываецца ў Беларусі
«Але пытаньне ня ў тым, хто сёньня прэзыдэнт, гэта ня мае ніякага значэньня. Важна, што беларусы больш ня могуць давяраць Лукашэнку, яны яго больш ня хочуць, вось і ўсё. Ён больш не легітымны. Гэта ня здарылася раптоўна, гэта разьвівалася паступова. Тое, што адбываецца, — гэта рэвалюцыя свядомасьці», — сказала Ціханоўская ў інтэрвію французскай газеце" Монд «, апублікаваным у сераду.
Пры гэтым яна адзначыла, што дамагацца сыходу Лукашэнкі і абараняць свае правы яго праціўнікі маюць намер любымі законнымі дзеяньнямі.
«Усе беларусы хочуць, каб ён сышоў. Яны зьмяніліся, у іх адкрыліся вочы, яны ня могуць больш згаджацца з тым, каб ён узначальваў гэтую краіну пасьля ўсяго, што ён зрабіў. Рана ці позна, ён сыдзе дзякуючы мірным маніфэстацыям і страйкам. Чым хутчэй, тым лепш, каб пазьбегнуць спусканьня краіны ў эканамічны і палітычны крызіс», — лічыць Сьвятлана Ціханоўская.
ГЛЯДЗІЦЕ ТАКСАМА: Жыхары Беларусі не забудуць пра дзеяньні ўладаў, — прэзыдэнт Літвы
Яна таксама адзначыла, што падчас выбарчай кампаніі апазыцыя заклікала сілы парадку больш не падпарадкоўвацца «злачынным загадам» Лукашэнка, і гэты заклік застаецца актуальным.
«Мы ведаем, што большасьць супрацоўнікаў праваахоўных органаў можа мала ў чым сябе вінаваціць. Але тыя, хто загадваў рабіць злачынствы, павінны быць прыцягнутыя да адказнасьці, і правасудзьдзе павінна адбыцца. Некаторыя ўжо знайшлі ў сабе мужнасьць пераадолець свой страх, каб далучыцца да народу» , - працягнула апазіцыйны палітык.
Яна дадала, што верыць у тое, што «беларусы не захочуць забіваць беларусаў».
ГЛЯДЗІЦЕ ТАКСАМА: Марыя Калесьнікава назвала спрэчным статус ураду
Пры гэтым Ціханоўская падкрэсьліла, што рэпрэсіі ўладаў сталі менш прыкметнымі і больш прыцэльнымі, чым у першыя пасьля галасаваньня дні, але не слабеюць.
«Вядома, некаторыя сілы падтрымліваюць Лукашэнку, але яны павінны разумець, што гэта зараз бескарысна, бо грамадзтва зьмянілася, страх перайшоў на іншы бок. Людзі больш гэтага не дазволяць. Яны ведаюць, што з гэтага часу яны не адны перад абліччам рэпрэсіўнай машыны», — сказала былая кандыдатка ў прэзыдэнты.
ГЛЯДЗІЦЕ ТАКСАМА: «Страчаны давер да права і законнасьці». Чаму падае беларускі рубель?
На пытаньне, якое ўражаньне зрабіў на яе вобраз Лукашэнка 23 жніўня з аўтаматам у руках і ў вайсковым абмундзіраваньні, Сьвятлана Ціханоўская адказала, што не зразумела, што ён хацеў тым самым паказаць.
«Замест таго, каб напалохаць насельніцтва, ён выклікаў ўсеагульны сьмех», — сказала Ціханоўская.