Прадстаўнікі Каардынацыйнай рады Іван Краўцоў і Антон Раднянкоў, якія вымушана зьехалі ва Ўкраіну, выйшлі на сувязь.
Кажуць, што цяпер яны ўжо ў Кіеве, у бясьпецы, адчуваюць сябе добра, паведамілі ў штабе зьняволенага прэтэндэнта ў прэзыдэнты Віктара Бабарыкі.
ГЛЯДЗІЦЕ ТАКСАМА: «Гэта ня быў добраахвотны выезд». Ва Ўкраіне абвяргаюць, што затрымалі сяброў Каардынацыйнай радыЯны абяцаюць даць падрабязныя камэнтары на адмысловай прэс-канфэрэнцыі. Сустрэча з журналістамі заплянаваная ў Кіеве а 20-й гадзіне (вул. Яленаўская, 3). Плянуецца відэатрансьляцыя.
Дзе цяпер сябра прэзыдыюму Каардынацыйнай рады Марыя Калесьнікава, якая ехала зь імі адной машынай, па-ранейшаму невядома. Яе затрымалі на памежным пераходзе Аляксандраўка Нараўлянскага раёну.
ГЛЯДЗІЦЕ ТАКСАМА: Бацька Марыі Калесьнікавай зьняпраўдзіў заяву ЛукашэнкіЯе паплечнікі сьцьвярджаюць, што Калесьнікаву ўтрымліваюць на тэрыторыі памежнай часткі ў Мазыры. Памежны камітэт інфармацыю не пацьвярджае, але і не абвяргае.
Аляксандар Лукашэнка ў размове з расейскімі журналістамі заявіў, што Калесьнікава ўцякала да сваёй сястры ў Кіеў і яе затрымалі за парушэньне правілаў пераходу мяжы.