Паглядзіце, як у рэжыме сакрэтнасьці праходзіла інаўгурацыя Лукашэнкі. ФОТАРЭПАРТАЖ
Так з самай раніцы выглядала навакольле Палацу Незалежнасьці.
Вялікую колькасьць сілавікоў каля Палацу Незалежнасьці і выставачнага цэнтру «БелЭкспа», які знаходзіцца побач, можна было назіраць сёньня з самай раніцы.
Міліцэйскія аўтамабілі суправаджэньня каля Палацу Незалежнасьці
Закрыты для руху праспэкт Незалежнасьці.
Картэж Лукашэнкі на пустым праспэкце Незлаженасьці. Яго ранкам закрывалі для руху.
Прэс-сакратарка Лукашэнкі Натальля Эйсмант адмовілася называць дакладную дату інаўгурацыі кіраўніка Беларусі. «Магу пакуль сказаць толькі, што бліжэй да часу інаўгурацыі мы вам абавязкова паведамім», — сказала яна «РИА Новости».
Картэж Лукашэнкі ўжо каля Палацу Незалежнасьці
Лукашэнка прыбывае на інаўгурацыю
Упершыню ў гісторыю незалежнай Беларусі інаўгурацыя адбылася тайна, ніхто не абвяшчаў даты, а сам працэс не трансьляваўся на БТ
Першая афіцыйная інфармацыя пра інаўгурацыю зьявілася ў тэлеграм-каналах дзяржаўных СМІ тады, калі Лукашэнка ўжо прыняў прысягу
Паводле прэс-службы Лукашэнкі, на інаўгурацыю запрасілі некалькі соцень чалавек. Сярод іх службовыя асобы, прадстаўнікі Нацыянальнага сходу і СМІ, чыноўнікі, а таксама дзеячы навукі, культуры і спорту.
Лукашэнка падпісвае дакумэнт пасьля прысягі.
Яго віншуе кіраўніца Цэнтарвыбаркаму Лідзія Ярмошына
«Я не магу, ня маю права кінуць беларусаў, якія зьвязалі зь дзяржаўным курсам ня толькі палітычныя перавагі, але і свой лёс, будучыню сваіх дзяцей», — заявіў ён у прамове.
Лукашэнка выступае перад вайскоўцамі: «Вы как те ребята, которые месяц назад остановили на наших чистых… нашего Минска… эту дрянь…»
Каля Палацу Незалежнасьці затрымалі людзей, якія выйшлі на адзіночныя пікеты супраць інаўгурацыі Аляксандра Лукашэнкі. Спачатку — жанчыну, якая выйшла з плякатам «Саша, забери трудовую. Отдел кадров»
Пасьля затрымалі мужчыну, які ішоў з паперкай «Ну и кто тут крыса?».
Снайпэры на даху Палацу Незалежнасьці
Начальнік службы аховы Лукашэнкі Андрэй Паўлючэнка (у цэнтры) каля Палацу Незалежнасьці