Вырашальную ролю ў паскораным стварэньні і сэртыфікацыі першай расейскай вакцыны ад каранавірусу «Спутник V» адыгралі асабістыя сувязі яе распрацоўшчыкаў, сьмелае пераразьмеркаваньне дзяржаўных сродкаў і піяр, а ўдзел у выпрабаваньнях дачкі Ўладзіміра Пуціна быў практычна прадвызначаны, высьветлілі «Открытые медиа».
ГЛЯДЗІЦЕ ТАКСАМА: Стала вядома, калі беларусаў пачнуць прышчапляць ад каранавірусу расейскай вакцынайПершае фінансаваньне на праект вакцыны ў цэнтры імя Гамалеі (100 млн расейскіх рублёў) было перанакіравана са сродкаў, перададзеных іпатэчным агенцтвам «Дом.РФ» на барацьбу з эпідэміяй, у тым ліку на сродкі абароны для лекараў. Пасьля гэтага галоўную ролю ў праекце адыгрывалі сувязі яго ўдзельнікаў. Вакцыну тэставала малодшая дачка Ўладзіміра Пуціна, кіраўнік фонду «Иннопрактики» Кацярына Ціханава. Яе сяброўка і намесьнік у фондзе Натальля Папова, якая вучылася зь Ціханавай у МДУ, — даўняя знаёмая кіраўніка цэнтру імя Гамалеі Аляксандра Гінцбура.
ГЛЯДЗІЦЕ ТАКСАМА: САЗ: Вакцына супраць COVID-19 можа быць гатовая да канца 2020 годуНават калі вакцына ня будзе ўдалай, яна ўжо адбылася як піяр-праект: «Ці эфэктыўная гэтая вакцына, ці не, ужо ня так важна. Галоўнае — мы зноў наперадзе ўсёй плянэты. Нават калі акажацца, што „Спутник“ дрэнны, нічога страшнага. Да зімы зьявіцца яшчэ адна, а то і дзьве вакцыны, якая-небудзь зь іх спрацуе», — кажа крыніца выданьня «Открытые медиа».
ГЛЯДЗІЦЕ ТАКСАМА: Адзін з аўтараў расейскай вакцыны супраць COVID-19 расказаў пра ступень яе гатоўнасьці. Усё ня так проста
- 11 жніўня прэзыдэнт Уладзімір Пуцін заявіў аб рэгістрацыі да завяршэньня трэцяй фазы клінічных выпрабаваньняў першай у сьвеце расейскай вакцыны ад COVID-19. Прэпарат атрымаў назву «Спутник V». Больш за палову лекараў, апытаных сэрвісам «Справочник врача», заявілі пра недавер да яе.
- 8 верасьня Міністэрства аховы здароўя паведаміла, што першая партыя расейскай вакцыны выпушчаная ў публічны абарот. Старт масавай вакцынацыі ад каранавірусу ў Расеі вызначаны на кастрычнік 2020 году.
- Паводле нядаўняга апытаньня «Левада-цэнтру», пра гатоўнасьць прышчапіцца расейскай вакцынай «Спутник V» заявілі 38 адсоткаў рэспандэнтаў, пры ўмове, што вакцынацыя будзе бясплатная і добраахвотная. Большасьць — 54 адсоткі — да вакцынацыі не гатовыя.
- Фармацэўтычныя кампаніі заклікалі Міністэрства аховы здароўя «не фарсіраваць распрацоўку» вакцыны, бо ў сьвеце налічваецца 26 вакцын-кандыдатаў, прычым шэсьць зь іх тэстуюць з удзелам тысяч і дзясяткаў тысяч чалавек: «Паскораная рэгістрацыя ўжо ня зробіць Расею лідэрам у гэтай гонцы, яна толькі створыць непатрэбную небясьпеку для канчатковых спажыўцоў вакцыны, грамадзян РФ». Вакцына не прайшла трэцяй фазы клінічных выпрабаваньняў, пакуль яна была выпрабаваная толькі на дзясятках добраахвотнікаў.
-
ГЛЯДЗІЦЕ ТАКСАМА: Прэм’ер Беларусі выпрабаваў на сабе расейскую вакцыну ад COVID-19