У Ніцы невядомы напаў з нажом на людзей, якія знаходзіліся ў базыліцы Нотр-Дам. Паліцыя спачатку паведаміла пра двух загінулых і адным параненым.
Паводле інфармацыі мэра Ніцы Крысьціяна Эстразі, загінулі трое, двое зь якіх былі забітыя непасрэдна ў саборы. Адзін з загінулых — сьвятар.
🔴Opération de police en cours à #Nice (06).Une attaque au couteau a eu lieu, deux personnes décédées, l%27auteur présumé des faits a été interpellé.Merci de ne pas relayer de fausses informations et de suivre les comptes officiels @PoliceNat06,@Interieur_Gouv,@PoliceNationale. pic.twitter.com/U6YGDjZRDh
— Police nationale (@PoliceNationale) October 29, 2020
Адну з ахвяраў абезгаловілі, паведамляе Reuters. Гэта пацьвердзіў і Эстразі. Паводле яго, нападнік скарыстаўся тым жа мэтадам, што і тэрарыст у горадзе Канфлан-Сэнт-Анарын. 16 кастрычніка там быў забіты настаўнік Самюэль Паці.
Нападніка затрымалі паліцыянты. Ён паранены. Пра асобу і матывы злачынства пакуль не паведамляецца. У ходзе нападу ён выкрыкваў: «Алах Акбар», распавёў мэр Ніцы. Ён назваў напад тэрактам.
Расьсьледаваньнем займаецца антытэрарыстычная пракуратура.
Je suis sur place avec la @PoliceNat06 et la @pmdenice qui a interpellé l’auteur de l’attaque. Je confirme que tout laisse supposer à un attentat terroriste au sein de la basilique Notre-Dame de #Nice06. pic.twitter.com/VmpDqRwzB1
— Christian Estrosi (@cestrosi) October 29, 2020
Найбліжэйшыя гадзіны ў Ніцу прыедзе прэзыдэнт Францыі Эмануэль Макрон.
Сёньня ж у Авіньёне на паўднёвым усходзе Францыі невядомы з нажом спрабаваў напасьці на паліцэйскіх. Пра гэта паведамляе радыёстанцыя Europe 1. Ён пагражаў мінакам і выкрыкваў «Алах Акбар». Яго застрэлілі паліцэйскія.
ГЛЯДЗІЦЕ ТАКСАМА: Ісламісты атакавалі сайты ў Францыі пасьля заяваў Макрона. Муфтый Чачэніі назваў яго «тэрарыстам нумар 1»У Саудаўскай Аравіі затрыманы мясцовы жыхар, які напаў на ахоўніка консульства Францыі ў Джыда. Ахоўнік атрымаў лёгкія раненьні, паведамляе паліцыя.
Напад у Ніцы адбылося празь некалькі дзён, пасьля забойства ў прыгарадзе Парыжа настаўніка Самюэля Паці.
Выкладчык, абмяркоўваючы з вучнямі свабоду слова, паказаў на ўроку карыкатуры на прарока Мухамэда. 16 кастрычніка ён быў забіты. Падазраваны — этнічны чачэнец з Масквы Абдул Анзор выклаў у свой твітэр фатаграфію абезгалоўленага Паці, заявіўшы, што «пакараў сьмерцю» яго за абразу прарока.
ГЛЯДЗІЦЕ ТАКСАМА: Прэзыдэнт Турэччыны падаў пазоў на францускі часопіс Charlie HebdoПрэзыдэнт Францыі Эмануэль Макрон назваў напад «ісламісцкіх тэрактам», заявіў, што іслам знаходзіцца ў стане крызісу, і заклікаў да абароны сьвецкіх каштоўнасьцяў Францускай рэспублікі ад радыкальнага ісламу.
Заявы Макрон пра іслам выклікалі абурэньне ў шэрагу краін Блізкага Ўсходу. Прэзыдэнт Турцыі Рэджэп Эрдаган абвінаваціў Макрона ў ісламофобіі і параіў яму «лячыць псыхіку».
Кіраўнік Чачні Рамзан Кадыраў напісаў у сваім телеграм-канале, што прэзыдэнт Францыі сам становіцца падобны на тэрарыста і «завуалявана заклікае мусульман зьдзяйсьняць тэракты».
ГЛЯДЗІЦЕ ТАКСАМА: Забітага за ўрок свабоды слова францускага настаўніка ўзнагародзяць ордэнам Ганаровага легіёнуУчора францускі сатырычны штотыднёвік Charlie Hebdo выйшаў з карыкатурай на Эрдагана на вокладцы.
У чацьвер мусульмане адзначаюць дзень нараджэньня прарока Мухамеда, карыкатуры на якога сталі разьмяшчаць у Францыі пасьля забойства настаўніка Самюэля Паці.