Моцны падводны землятрус адбыўся ў пятніцу ў Эгейскім моры на паўднёвым захадзе ад узьбярэжжа турэцкай правінцыі Ізьмір і на поўнач ад грэцкай выспы Самас.
Служба геалягічных назіраньняў ЗША ацаніла магнітуду землятрусу ў 7,0, улады Турэччыны — у 6,6.
BREAKING - Over 20 buildings have collapsed in #Izmir (Turkey) after a powerful earthquake - Interior Ministerpic.twitter.com/DIp7Gfxhgp
— Disclose.tv 🚨 (@disclosetv) October 30, 2020
Паведамляецца, што ў Турэччыне загінулі чатыры чалавекі, 120 былі параненыя. У горадзе Ізьмір абрынуліся 20 будынкаў. Ваганьні глебы адчуваліся ў Стамбуле, Афінах і на Крыце.
Землятрус выклікаў міні-цунамі, затапіла порт Самас.
Адзін з найбуйнейшых землятрусаў у Ізьміры адбыўся ў 1999 годзе. Тады загінулі каля 17 тысяч чалавек.