Патэнцыйная вакцына ад каранавірусу, распрацаваная амэрыканскай кампаніяй Pfizer і нямецкай BioNTech, падчас выпрабаваньняў паказала эфэктыўнасьць больш як у 90%, паведамілі яе вытворцы.
Пра гэта сказана ў заяве, апублікаванай на сайце і ў твітэры кампаніі Pfizer.
UPDATE: We are proud to announce, along with @BioNTech_Group, that our mRNA-based #vaccine candidate has, at an interim analysis, demonstrated initial evidence of efficacy against #COVID19 in participants without prior evidence of SARS-CoV-2 infection.
— Pfizer Inc. (@pfizer) November 9, 2020
«Сёньня выдатны дзень для навукі і чалавецтва. Першая частка вынікаў нашай трэцяй фазы клінічных выпрабаваньняў вакцыны ад COVID-19 дэманструе першапачатковыя доказы таго, што наш прэпарат здольны прадухіляць заражэньне каранавірусам», — сказаў выканаўчы дырэктар кампаніі Альбэрт Бурла.
ГЛЯДЗІЦЕ ТАКСАМА: Лукашэнка прапанаваў Пуціну рабіць у Беларусі вакцыну па расейскіх тэхналёгіяхКампаніі будуць да сярэдзіны лістапада весьці збор інфармацыі і дадзеных аб бясьпецы вакцыны, потым усю інфармацыю перададуць ва Ўправу кантролю за якасьцю харчовых прадуктаў і лекавых сродкаў ЗША.
Як адзначаюць амэрыканскія СМІ, у выпадку, калі гэтая ўправа ў тэрміновым парадку ўхваліць вакцыну, мэдыкі змогуць атрымаць першыя яе дозы ўжо да канца гэтага году.