З раніцы ў менскі жыльлёвы комплекс «Каскад» на некалькіх мікрааўтобусах прыехалі сілавікі. Жыхары кажуць, што тыя маюць пастановы на ператрусы.
Паводле відавочцаў, сілавікі прыйшлі ў некалькі кватэр, расказваюць пра ўзломы дзьвярэй, піша Tut.by.
- Мясцовыя жыхары паведамляюць, што байцы ўзламалі дзьверы ў некалькі кватэраў.
- Паводле Onliner.by, байцы ўзламалі сама меней чатыры кватэры, ідуць ператрусы ў межах крымінальнай справы ў людзей, якія былі назіральнікамі на выбарах.
- Байцы «зьнялі майткі» — між дамамі на расьцяжцы вісела бел-чырвона-белая інсталяцыя ў выглядзе ніжняй бялізны.
У «Каскад» сілавікам даводзілася часта прыяжджаць, каб здымаць бел-чырвона-белыя сьцягі, у тым ліку сьцяг даўжынёй у 22 паверхі.
Уласьніку кватэры ў «Каскадзе», зь якой быў працягнуты трос, на якім вывешвалі сьцягі, у кастрычніку прысудзілі штраф.
ГЛЯДЗІЦЕ ТАКСАМА: Уласьніку кватэры ў Менску прысудзілі штраф за сьцяг на тросе, бо была пагроза пажару пры навальніцы ГЛЯДЗІЦЕ ТАКСАМА: 22 паверхі даўжынёй. У Менску вывесілі гіганцкі бел-чырвона-белы сьцяг