Палітвязьню Салановічу вынесьлі сёмы запар прысуд, арышт падоўжылі да 99 дзён

Ян Салановіч. Фота TUT.BY

Студэнта чацьвёртага курсу БДУІР Яна Салановіча асудзілі ўжо на 99 дзён адміністрацыйнага арышту, паведаміў Tut.by. Сёмы запар прысуд яму вынесьлі 11 сьнежня. Судзілі яго за ўдзел у пратэсьце 11 кастрычніка.

Яна Салановіча затрымалі 1 лістапада на мірным маршы ў Курапаты. Паводле маці, у Партызанскім РУУС на допыце ён прызнаўся ў 15 эпізодах удзелу ў мітынгах.

З таго часу Ян на Акрэсьціна, а судзьдзі дадаюць яму новыя і новыя тэрміны арышту.

  • 2 лістапада — 12 дзён
  • 5 лістапада — 15 дзён
  • 10 лістапада — 15 дзён
  • 18 лістапада — 15 дзён
  • 26 лістапада — 14 дзён
  • 3 сьнежня — 14 дзён
  • 11 сьнежня — 14 дзён

Маці лічыць, што ў справах няма ніякіх доказаў, апроч прызнаньня сына. Яна сказала, што за ўвесь час не атрымала ад сына ніводнага ліста.

30 лістапада беларускія праваабаронцы прызналі Яна Салановіча палітвязьнем.

ГЛЯДЗІЦЕ ТАКСАМА: Вольгу Хіжынкову сёньня чакалі з турмы, але яе ня выпусьцілі. Яна правядзе ў зьняволеньні яшчэ 9 содняў
ГЛЯДЗІЦЕ ТАКСАМА: Жнівень–сьнежань 2020. Мы — сьведкі.„Таварыш з аўтаматам зьвяртаўся да нас «бандыты»“. АБНАЎЛЯЕЦЦА