На думку манарха стратэгія барацьбы з каранавірусам, абраная краінай, была няўдалай. Яго словы прыводзіць брытанская Financial Times.
«Я думаю, што мы пацярпелі няўдачу. У нас шмат загінулых, і гэта жахліва,» — сказаў швэдзкі кароль.
Паводле яго словаў, адмова ад жорсткіх мераў прывяла ў Швецыі да большай, чым у суседзяў, колькасці памерлых ад інфэкцыі.
Швэцыя ня ўводзіла жорсткі каранцін і локдаўн на піку пандэміі COVID-19. У прыватнасьці, у краіне не зачынялі школы, рэстараны і спартовыя залі.
Прадстаўнікі беларускага міністэрства здароўя неаднойчы ўхвальна выказваліся пра швэдзкую стратэгію барацьбы з каранавірусам, яны адзначалі, што Швэцыя гэтак жа ўдала змагаецца з хваробай, як і Беларусь.
ГЛЯДЗІЦЕ ТАКСАМА: Стратэгія Беларусі ў барацьбе з COVID-19 па пасьпяховасьці параўнальная з падыходам Швэцыі, — МінздароўяМіж тым нават Андэрс Тэгнэл, галоўны ідэоляг швэдзкага падыходу да барацьбы з каранавірусам, яшчэ летам заявіў, што калі б ад пачатку было больш вядома пра гэтую хваробу, варта было б прымаць іншыя рашэньні.
ГЛЯДЗІЦЕ ТАКСАМА: Аўтар швэдзкай стратэгіі барацьбы з COVID-19 прызнаў памылкіПаводле дадзеных сайту worldometers, на 17 сьнежня ў Швэцыі паказьнік заражэньня ад пачатку эпідэміі склаў 35 тысячаў чалавек на мільён насельніцтва, а сьмяротнасьць ад вірусу — 779 чалавек на мільён насельніцтва.
Для параўнаньня: у суседніх Даніі і Нарвэгіі адносныя паказьнікі заражэньня склалі 21 тысячу і 8 тысячаў на мільён насельніцтва, адносныя паказьнікі сьмяротнасьці ад COVID-19 — 171 і 74 сьмерцяў на мільён насельніцтва.