Ініцыятыва закліканая дапамагчы ўкраінскім узброеным сілам спрыяць захаваньню тэрытарыяльнай цэласнасьці краіны, абараняць яе межы і паляпшаць узаемадзеяньне з НАТА, паведамляе «Голас Амэрыкі».
Як адзначаецца ў прэс-рэлізе ведамства, рашэньне «пацьвярджае, што ЗША па-ранейшаму маюць намер забясьпечваць Украіну абарончымі сьмяротнымі ўзбраеньнямі» дзеля эфэктыўнай абароны ад расейскай агрэсіі.
У новай партыі амэрыканскай дапамогі — два дадатковыя патрульныя катэры Mark VI для пашырэньня магчымасьцяў Украіны ў патруляваньні і абароне тэрытарыяльных водаў. На сёньня ЗША перадалі Ўкраіне ўжо восем патрульных катэраў Mark VI.
Таксама ў пакеце дапамогі:
- контарартылерыйскія радары і тактычнае абсталяваньне;
- пастаянная падтрымка спадарожнікавай здымкі і магчымасьцяў аналізу;
- абсталяваньне для мэдычнай дапамогі вайскоўцам і баявой эвакуацыі.
Астатнія $150 мільёнаў, выдзеленыя Кангрэсам на 2021 фінансавы год, прадаставяць тады, калі Міністэрства абароны і Дзярждэпартамэнт пацьвердзяць, што афіцыйны Кіеў дамогся дастатковага прагрэсу ў ключавых абаронных рэформах.
ГЛЯДЗІЦЕ ТАКСАМА: У Горлаўцы на Данбасе адбыўся выбух: паранены адзін зь лідэраў сэпаратыстаў «ДНР»Міністэрства абароны ЗША раней заклікала Ўкраіну ўзмацніць грамадзянскі кантроль над узброенымі сіламі, спрыяць павышэньню празрыстасьці і падсправаздачнасьці ў абароннай прамысловасьці і закупках, а таксама мадэрнізаваць абаронны сэктар у іншых ключавых галінах у адпаведнасьці з прынцыпамі і стандартамі НАТО.
З 2014 году Злучаныя Штаты аказалі Ўкраіне дапамогу ў галіне бясьпекі на суму больш як $2 мільярды.
ГЛЯДЗІЦЕ ТАКСАМА: Украіна выйшла з агульнай паветранай прасторы СНД і Міждзяржаўнага авіяцыйнага камітэту. Што гэта значыць ГЛЯДЗІЦЕ ТАКСАМА: ЗША паабяцалі працягваць дапамагаць эканоміцы і войску Ўкраіны