15 сакавіка дадому да 95-гадовай хворай бабулi прыйшлі зь ператрусам супрацоўнікі Камітэту дзяржбясьпекі, паведаміла жонка журналіста Вольга.
Пра чарговыя ператрусы ў справе Дзяніса Івашына паведаміў БАЖ.
12 сакавіка вобшукі адбыліся дома ў Дзяніса Івашына і ў ягоных бацькоў. Сам ён затрыманы, знаходзіцца ў ізалятары КДБ.
ГЛЯДЗІЦЕ ТАКСАМА: Журналіста Дзяніса Івашына зьмясьцілі ў турму № 1 Горадні, артыкул — крымінальныДзяніс Івашын займаецца расьсьледаваньнямі, супрацоўнічае з рэдакцыяй газэты «Новы Час». Апошні яго матэрыял быў пра тое, як былыя ўкраінскія «беркутаўцы» ўладкаваліся на службу ў беларускую міліцыю.
Цяпер у зьняволеньні 11 беларускіх журналістаў, карэспандэнт «Першага рэгіёну» Сяргей Гардзіевіч — пад хатнім арыштам, нагадвае Беларуская асацыяцыя журналістаў.