МЗС Беларусі: «Зінгмана вызвалілі, ён ні ў чым не абвінавачаны»

Маратворчыя сілы ў Конга, ілюстрацыйнае фота

Міністэрства замежных спраў Беларусі пацьвердзіла вызваленьне ў Дэмакратычнай Рэспубліцы Конга бізнэсоўца Аляксандра Зінгмана.

«У цяперашні час Аляксандар Зінгман знаходзіцца на волі, абвінавачаньня яму не прад’яўлена», — паведаміў парталу Tut.by афіцыйны прадстаўнік ведамства Анатоль Глаз.

ГЛЯДЗІЦЕ ТАКСАМА: У Дэмакратычнай Рэспубліцы Конга затрымалі беларускага бізнэсоўца, блізкага да Лукашэнкі

Аляксандра Зінгмана разам зь беларускім топ-мэнэджэрам кампаніі Aftrade DMCC Алегам Водчыцам і італьянскім бізнэсоўцам Паола Пэрсіка затрымалі 19 сакавіка ў кангалескім горадзе Лубумбашы. Паводле афрыканскіх СМІ, гэта здарылася пасьля сустрэчы Зінгмана з былым прэзыдэнтам краіны Жозэфам Кабілам.

Аляксандар Зінгман доўгі час заставаўся непублічным чалавекам. Аднак у студзені 2019 году ён стаў ганаровым консулам Зымбабвэ ў Менску і ў гэтым зьвязку яго пачалі прадстаўляць «дарадцам» кіраўніка Кіраўніцтва справамі прэзыдэнта Віктара Шэймана. Ён таксама ўпаўнаважаны ў пастаўках беларускай сельскагаспадарчай тэхнікі ў афрыканскія краіны.

ГЛЯДЗІЦЕ ТАКСАМА: «Шэйман зь пісталетам езьдзіў па краіне, зьнішчаючы падонкаў». Лукашэнка расказаў, як змагаўся з бандамі

Паволе некаторых дадзеных, Аляксандар Зінгман мае грамадзянствы Беларусі і Злучаных Штатаў.