Сьледчы камітэт Беларусі паведаміў аб раскрыцьці міжнароднай арганізаванай злачыннай групы, якая мае дачыненьне да сэксуальнай эксплюатацыі дзяцей. Паводле ведамства, кіраваў ёю 37-гадовы іншаземец, які мае від на жыхарства ў Беларусі. Для гэтага ён стварыў «прадусарскую групу», якая займалася прасоўваннем дзяўчатак у мадэльным бізнэсе.
Паводле намесьніка начальніка галоўнага ўпраўленьня наркакантролю і супрацьдзеяньня гандлю людзьмі Аляксандра Грачова, летась у лістападзе паступіла інфармацыя ад амэрыканскіх калегаў, што нявызначаная асоба займаецца распаўсюдам парнаграфічных матэрыялаў праз электронную паштовую скрыню, якая адміністравалася з тэрыторыі Беларусі.
ГЛЯДЗІЦЕ ТАКСАМА: У Менску знайшлі мужчыну, дзяўчынку і сабаку, якія выпалі з акна шматпавярховіка. Сьведкі чулі крык: «Што ты робіш?»Беларускія праваахоўнікі выявілі, што ў здымках бралі ўдзел ня менш за 15 дзяўчатак ва ўзросце ад 5 да 13 гадоў зь Беларусі і яшчэ пяць з суседніх дзяржаў.
Неўзабаве затрымалі аўтара ролікаў — ім аказаўся грамадзянін адной з суседніх краін, які меў від на жыхарства ў Беларусі.
«Акрамя афіцыйнай працы ў адной з арганізацый Менску, мужчына займаўся прафэсійнай дзіцячай фатаздымкай і супрацоўнічаў з шэрагам дзіцячых мадэльных агенцтваў і часопісаў, — расказаў Грачоў. — Ён уваходзіў у закрытыя тэматычныя групы, дзе абменьваўся порнаматэрыяламі з замежнымі пэдафіламі».
ГЛЯДЗІЦЕ ТАКСАМА: Біў, біў ды забіў дзіця. Але хоць ня пʼе і ня курыцьУ сваю дзейнасьць ён уцягнуў пяць жыхарак Магілёўскай вобласьці і Менску, у тым ліку тых, якія маюць досьвед сацыяльнай працы зь дзецьмі. Здымкі праводзіліся ў сталіцы і іншых гарадах. Ролікі і фота прадавалі на спэцыяльных тэматычных пляцоўках у інтэрнэце, іх кошт вагаўся ад 200 да 1500 даляраў. Сярод пакупнікоў былі грамадзяне ЗША, Аўстраліі, Вялікай Брытаніі, Расеі.
ГЛЯДЗІЦЕ ТАКСАМА: Злосьць, абыякавасьць, помста. Чаму таты забіваюцьУ лютым галоўнага арганізатара затрымалі. Ён прызнаў віну, расказаў, што знайшоў жанчын, якія пагадзіліся за грошы прыводзіць сваіх дачок для здымак. За гэта ім плаціў ад 200 да 5 тысяч рублёў.
Цяпер пад вартай пяць чалавек — усе абвінавачаныя маюць сем’і, выхоўваюць па двое-трое дзяцей. Пацярпелыя дзяўчаткі перададзены на выхаваньне сваякам або іншым людзям.