«Заход суднаў на тэрыторыю Ўкраіны ажыцьцяўляецца як для транзытнага пераходу, так і для руху ва ўкраінскія парты. Іх суправаджаюць патрульныя катэры памежнага ведамства і кантралююць памежнымі нарадамі», — паведамілі ў прэсавай службе.
Апроч таго, да кантролю за беларускімі баржамі залучаюцца сілы асобнага атраду апэратыўнага рэагаваньня «Дазор», а таксама бесьпілётная авіяцыя.
У Дзяржаўнай памежнай службе таксама паведамілі, што ў выпадку спыненьня судна на ноч памежнікі кантралююць яго ў месцы стаянкі.
Паводле правілаў, замежны водны транспарт ня мае права спыняцца ва Ўкраіне па маршруце свайго транзыту, а таксама разгружацца або загружацца ў непрадугледжаных маршрутам месцах.
З пачатку 2021 году Беларусь актывізавала грузавыя перавозкі па Прыпяці і Дняпры. Водным шляхам перавозяць будаўнічыя матэрыялы, мэталяпрадукцыю і найбольш — дызэльнае паліва.
ГЛЯДЗІЦЕ ТАКСАМА: Літоўскія памежнікі за панядзелак затрымалі тры групы мігрантаў, якія прыйшлі зь Беларусі