З матэрыялаў справы вынікае, што Натальля Красько з выкарыстаньнем мабільнага тэлефона, у публічным чаце «Кулуары KYKY», пад допісам аб узмацненьні адказнасьці за экстрэмізм 1 лютага напісала, што генэральны пракурор Швед злачынец. Тым самым яна, на думку сьледзтва, распаўсюдзіла несапраўдныя зьвесткі. Неўзабаве жанчыну затрымалі, у кватэры правялі ператрус, шукалі «стужачкі, сэрцайкі, кветачкі», піша «Вясна».
Натальля віну часткова прызнае, кажа, што фраза напісана асабіста ёй, прызнае, што слова нэгатыўнае, якое можа «ганьбіць гонар», але не прызнае, што гэта паклёп.
Пацярпелы Андрэй Швед у суд не зьявіўся з прычыны «службовай занятасьці», прасіў зачытаць свае паказаньні і падтрымаў пазоў. Швед ацэньвае памер «маральнай шкоды» ў 10 000 рублёў. Натальля Красько назвала гэтую суму неадпаведнай.
ГЛЯДЗІЦЕ ТАКСАМА: Генпракурор Швед расказаў, як за мяжой адрэагавалі на запыты выдаць Латушку, Цапкалу і ЦіханоўскуюУ судзе абвінавачаная заявіла, што першапачаткова міліцыянты прыходзілі да яе ў іншай справе. Яны заявіла, што ў час ператрусу сілавікі перавысілі службовыя паўнамоцтвы, паколькі была неадпаведнасьць сьледчых дзеяньняў прад’яўленаму артыкулу. Быў парушаны і сам парадак працэдуры правядзеньня ператрусу.
Пракурор папрасіў суд прызначыць жанчыне 2 гады «хіміі». Чакаецца рашэньне суду.
ГЛЯДЗІЦЕ ТАКСАМА: Алексін, Гуцэрыеў, Зайцаў, Цяцерын. Што за набліжаныя да Лукашэнкі бізнэсоўцы падпалі пад санкцыі ГЛЯДЗІЦЕ ТАКСАМА: Суды і выракі 5 ліпеня: «хімія» за рытарычнае пытаньне чыноўніку, які загадваў фальсыфікаваць выбары