Міністар замежных спраў Чэхіі Якуб Кульганэк паведаміў, што Чэхія прапанавала Літве разьмясьціць сваіх паліцыянтаў на мяжы Беларусі і Літвы ў сувязі з масавай незаконнай міграцыяй зь беларускага боку.
Пра гэта Якуб Кульганэк напісаў на сваёй старонцы ў Твітэры.
«Мы падтрымліваем Літву, якая сутыкаецца з беспрэцэдэнтнай міграцыйнай праблемай, справакаванай непрыстойным рэжымам Лукашэнкі», — напісаў ён, дадаўшы, што міністар унутраных спраў Чэхіі Ян Гамачэк прапанаваў Літве дапамогу, у тым ліку разьмяшчэньне супрацоўнікаў паліцыі на мяжы з Беларусьсю.
We stand by Lithuania which is facing an unprecedented migration challenge instigated by Lukashenko’s unscrupulous regime. Czech Interior Minister @jhamacek has offered assistance, including deploying police officers at the border with #Belarus. 🇨🇿 🇱🇹 🇪🇺
— Jakub Kulhanek (@JakubKulhanek) July 15, 2021