«Рэпрэсіі супраць журналістаў і грамадзянскай супольнасьці зьяўляюцца самым апошнім праяўленьнем жорсткасьці рэжыму Лукашэнкі. Мы заклікаем улады Беларусі вызваліць больш за 550 палітычных зьняволеных і пачаць дыялёг з апазыцыяй і грамадзянскай супольнасьцю. Мы падтрымліваем народ Беларусі» — цытуе сайт naviny. by заяву Нэда Прайса Твітэры.
Напярэдадні амбасада ЗША ў Беларусі заявіла, што адзінае выйсьце з палітычнага крызісу — вызваленьне ўсіх палітвязьняў.
ГЛЯДЗІЦЕ ТАКСАМА: Зь ператрусамі прыйшлі да журналістаў, зьвязаных з Радыё Свабода і тэлеканалам «Белсат». Ёсьць затрыманыяАмэрыканскія дыпляматы асудзілі рэйды сілавых структур Беларусі супраць прынамсі 19-ці няўрадавых арганізацый. Пра гэта гаварылася ў паведамленьні прэс-службы амбасады Злучаных Штатаў у Беларусі ў Facebook.
«Нястомная кампанія рэжыму Лукашэнкі па крыміналізацыі незалежных меркаванняў, праваабаронцаў і грамадзянскай супольнасьці зьяўляецца знадзвычайнай зьявай у сучаснай Эўропе і прычынай міжнароднай ізаляцыі Беларусі», — заявіла пасол ЗША ў Беларусі Джулі Фішэр.
ГЛЯДЗІЦЕ ТАКСАМА: Журналіст Алесь Дашчынскі імаверна знаходзіцца на АкрэсьцінаУ заяве амбасады таксама гаворыцца, што «адзіны выхад з палітычнага крызісу ў Беларусі — спыненьне рэпрэсій і вызваленьне ўсіх палітвязьняў».
Сёньня пачаўся візыт у ЗША Святланы Ціханоўскай. Яна наведае Вашынгтон, Нью-Ёрк, Сан-Францыска і Лос-Анджэлес. У Вашынгтоне заплянаваны сустрэчы з высокапастаўленымі прадстаўнікамі Белага дому, а таксама з членамі Палаты прадстаўнікоў Кангрэсу ЗША.
ГЛЯДЗІЦЕ ТАКСАМА: Сьвятлана Ціханоўская пачала рабочы візыт у ЗША