Прэзыдэнт, у прыватнасьці, адзначыў, што «існуе вялікая патрэба ў тым, каб пастаянна трымаць пытаньне анэксіі Крыму на міжнародным парадку дня». Паводле яго праект «Паўночны паток-2» робіць Эўрапейскі Зьвяз яшчэ больш залежным ад расейскага газу. Наўседа лічыць, што эканамічныя санкцыі ўплываюць на расейскую эканоміку, акрамя таго, санкцыі могуць зьмяніць паводзіны і Расеі, і Беларусі.
Важным пытаньнем для Літвы, лічыць Наўседа, ёсьць «гібрыдная атака» рэжыму Лукашэнкі і незаконная міграцыя.
ГЛЯДЗІЦЕ ТАКСАМА: Прэзыдэнт Літвы пра міграцыйны крызіс: «Не сумняваюся, што яшчэ будуць намаганьні працягваць заварваць кашу»— Фізычная мяжа зь Беларусьсю. Так, гэта прыярытэт нумар адзін у маёй краіне, і мы ўжо прынялі ўсе неабходныя папраўкі да закону, каб лібэралізаваць і паскорыць працэс выпрацоўкі адзінай стратэгіі. І ў гэтым пляне мы таксама разьлічваем на падтрымку Эўразьвязу. Працэс запушчаны і, спадзяюся, на працягу году нам удасца зачыніць гэты прабел, закрыць мяжу. Гэта ня значыць, што цяпер мы нічога ня робім і чакаем, што калісьці там будзе мяжа паміж нашымі краінамі. Нашы прадстаўнікі і інстытуты ўжо зараз гатовыя рэагаваць на правакацыі і інцыдэнты на мяжы. І ў нас гэта нядрэнна атрымоўваецца.
ГЛЯДЗІЦЕ ТАКСАМА: Літва накіравала ноту афіцыйнаму Менску з прычыны парушэньня беларускімі памежнікамі мяжы— Гісторыі Рамана Пратасевіча і Крысціны Ціманоўскай шакавалі ўвесь сьвет. Ці лічыце вы Лукашэнку легітымным прэзыдэнтам?
— Адразу пасьля выбараў у жніўні 2020-га мы былі сярод першых, хто заявіў аб тым, што выбары не былі празрыстымі, што вынікі гэтых выбараў нелегітымныя. Таму я думаю, што цяпер гэта ня толькі пазыцыя Літвы, але таксама і пазыцыя Эўразьвязу, і гэта вельмі важна адзначыць.
На жаль, мы ня можам прызнаць прэзыдэнта Беларусі абраным на сумленных і празрыстых выбарах. На жаль, гэта было ня так. Пасьля гэтага мы бачылі шмат інцыдэнтаў, прыкладаў парушэньня правоў чалавека, палітычных зьняволеньняў. Я думаю, што гэтыя прыклады дэманструюць адсутнасьць жаданьня супрацоўнічаць з заходняй супольнасьцю для вырашэньня гэтай складанай сытуацыі. А рашэньне тут можа быць толькі адно: мы маем арганізаваць новыя свабодныя выбары.
Народ Беларусі заслужыў права выбіраць наступнага лідэра краіны, і для нас гэта галоўнае і самае важнае пытаньне. Усё роўна, ці будзе гэты лідэр геапалітычна арыентаваны на той ці іншы рэгіён, тую ці іншую краіну. Самае важнае, каб гэта быў свабодны выбар беларускага народу.
Цалкам інтэрвію чытаць ТУТ.
ГЛЯДЗІЦЕ ТАКСАМА: Прэзыдэнт Літвы зьвярнуўся да мігрантаў па тэлевізіі Al Jazeera: не трапляйцеся ў рукі гандляроў людзьмі ГЛЯДЗІЦЕ ТАКСАМА: Літва пагражае Менску новымі эўрапейскімі санкцыямі яшчэ і за арганізацыю нелегальнай міграцыі