Паводле апытаньня, праведзенага сацыялягічнай групай «Рэйтынг» (Кіеў), Беларусь лічаць варожай 48 адсоткаў апытаных украінцаў (у красавіку 2021-га такіх грамадзян было 22%).
Расею лічаць варожай 72% (у красавіку было 76%).
Найбольшы індэкс «саюзьніка» ў апытаньні атрымалі Канада, Літва і Польшча (0,9). За імі ідзе Вялікая Брытанія (0,8), ЗША і Турэччына (па 0,7), Францыя і Нямеччына (па 0,6). Найменшы індэкс саюзьніка мае Кітай (0,2).
ГЛЯДЗІЦЕ ТАКСАМА: Нямецкі сацыёляг пра апытаньні ў Беларусі: «Зьнікла эмацыйная падтрымка ўлады і адчуваньне прыналежнасьці да дзяржавы»Апытаньне праводзілася 6–8 сьнежня шляхам тэлефонных размоў ва ўсіх абласьцях Украіны, за выключэньнем часова акупаваных тэрыторый Крыму і Данбасу. У ім узялі ўдзел 2500 рэспандэнтаў ва ўзросьце ад 18 гадоў і старэйшыя.
ГЛЯДЗІЦЕ ТАКСАМА: Праўладныя аналітыкі Дзермант, Шпакоўскі і Аўдонін прыляцелі ў анэксаваны Расеяй Крым ГЛЯДЗІЦЕ ТАКСАМА: Кіраўнік МЗС Украіны: Лукашэнка спаліў усе масты ў адносінах з Украінай