Прычына – вайна Расеі супраць Украіны, паведаміла прэс-служба кампаніі E.ON.
«Мы купляем наш газ на аптовых рынках у Эўропе. E.ON ня мае доўгатэрміновых кантрактаў на пастаўку непасрэдна з вытворцамі. Аднак невялікая колькасьць прыроднага газу ў нашым партфэлі была закуплена ў гандлёвых кампаній «Газпрома» у Эўропе», – адзначаецца ў заяве галоўнага выканаўчага дырэктара E.ON SE Леанарда Бірнбаўма, піша Reuters.
Бірнбаўм падкрэсьліў, што расейскі рынак ня быў мэтавым рэгіёнам E.ON.
E.ON. належыць 15,5% Nord Stream AG, апэратара газаправода «Паўночны поток».
ГЛЯДЗІЦЕ ТАКСАМА: Саюз двух тапельцаў. Ці выратуе Расея беларускую эканоміку, калі і сама ідзе на дно? ГЛЯДЗІЦЕ ТАКСАМА: Канцлер Нямеччыны выступіў супраць беспалётнай зоны над Украінай