Дакумэнт здымае абмежаваньні на перасячэньне дзяржаўнай мяжы як замежнымі грамадзянамі, так і грамадзянамі Рэспублікі Беларусі ў наземных пунктах пропуску. Таксама пастанова рэгулюе ўмовы вызваленьня замежных грамадзян ад падачы ПЦР-тэстаў пры ўезьдзе ў Беларусь. Дакумэнт набывае сілу пасьля афіцыйнага апублікаваньня, паведамляе міністэрства здароўя Беларусі.
Абмежаваньні на беларускіх межах скасуюць з 00:00 3 красавіка, удакладняе Памежны камітэт Беларусі.
З гэтага часу для грамадзян Беларусі ўезд у краіну і выезд не абмежаваны, ПЦР-тэст (сэртыфікат аб вакцынацыі) не патрабуецца. Для замежных грамадзян і асобаў без грамадзянства ўезд у Беларусь і выезд таксама неабмежаваны, але для ўезду іншаземцам па-ранейшаму неабходны ПЦР-тэст (сэртыфікат аб вакцынацыі).
У сьнежні 2020 году выезд праз наземныя пункты пропуску Беларусі на агульных падставах быў спынены на неабмежаваны час, з выняткам асобных катэгорыяў. Тады ўлады патлумачылі гэта «распаўсюдам пандэміі каранавірусу». Пры гэтым перамяшчэньне паветраным транспартам не абмяжоўвалася.
ГЛЯДЗІЦЕ ТАКСАМА: Мяжа на замку: Чаму забаранілі наземны выезд зь Беларусі?