Канцлер Аўстрыі Карл Нэхамэр 27 красавіка катэгарычна зьняпраўдзіў навіну аб тым, што ягоны ўрад разам з аўстрыйскай нафтавай кампаніяй OMV пагадзіліся аплачваць імпарт расейскага газу ў расейскіх рублях, пра што паведамляла расейская служба ВВС.
«Да таго, як тут далей распаўсюджваюцца фэйкавыя навіны расейскай прапаганды. Зразумела, OMV працягне аплачваць пастаўкі газу з Расеі ў эўра. Аўстрыя прытрымліваецца сумесна ўзгодненых санкцый ЭЗ да кропкі і коскі», — сказаў Нэхамэр.
Bevor hier Fake News der russischen Propaganda weiter verbreitet werden. Die OMV bezahlt Gaslieferungen aus Russland selbstverständlich weiterhin in Euro. Österreich hält sich auf Punkt und Beistrich an die gemeinsam beschlossenen EU-Sanktionen.
— Karl Nehammer (@karlnehammer) April 27, 2022
Раней на ўмовы Расеі пагадзіліся Сэрбія і Вугоршчына. За адмову плаціць адпаведна яе патрабаваньням Масква прыпыніла пастаўкі газу ў Польшчу і Баўгарыю.
ГЛЯДЗІЦЕ ТАКСАМА: Эўракамісія прызнала ўказ Пуціна аб аплаце за газ у рублях парушэньнем санкцый, — BloombergПрадстаўнік польскага ўраду ў стратэгічнай энэргетычнай інфраструктуры Пётар Наімскі заявіў, што Польшча больш ня мае намеру купляць газ у Расеі.
Міністар энэргетыкі Баўгарыі Аляксандар Нікалаў заявіў, што «баўгарскія газавыя сховішчы здольныя забясьпечыць унутраных спажыўцоў пасьля адмены расейскіх паставак» на месяц. Пры гэтым ён абвінаваціў Расею ў парушэньні кантракту, бо Баўгарыя аплаціла красавіцкія пастаўкі газу. Спыненьне паставак газу ён назваў «зброяй у вайне».
ГЛЯДЗІЦЕ ТАКСАМА: «Газпром» спыняе пастаўкі газу ў Баўгарыю ГЛЯДЗІЦЕ ТАКСАМА: Польшчу праінфармавалі, што ад серады цалкам спыняюць пастаўкі расейскага газу