Міністры эканомікі і фінансаў краін Эўразьвязу на сваім пасяджэньні 24 траўня дазволілі часовую лібэралізацыю гандлю і ўхвалілі іншыя гандлёвыя саступкі ў дачыненьні да некаторых украінскіх тавараў.
Як паведамляе сайт Рады Эўразьвязу, рашэньне азначае, што на працягу аднаго году ня будуць спаганяцца імпартныя пошліны на ўвесь украінскі экспарт у краіны Эўразьвязу.
Дзякуючы гэтым захадам, адзначае Рада ЭЗ, Эўразьвяз зможа істотна падтрымаць эканоміку Ўкраіны.
ГЛЯДЗІЦЕ ТАКСАМА: Кіеў: агульныя эканамічныя страты Ўкраіны ад вайны складаюць каля трыльёна даляраў- У мінулым месяцы Ўкраіна запоўніла анкету аб далучэньні да Эўразьвязу, якую кіраўніца Эўракамісіі Урзуля фон дэр Ляен перадала раней прэзыдэнту Ўкраіны Ўладзіміру Зяленскаму падчас візыту ў Кіеў. Пра атрыманьне статусу краіны-кандыдаткі і далейшы лёс працэсу далучэньня Ўкраіны да ЭЗ маюць вырашыць рэкамэндацыі Эўракамісіі, якіх чакаюць у чэрвені.