Міністарка абароны Чэхіі Яна Чэрнахава паведаміла 29 траўня, што Прага мае намер неўзабаве паставіць Кіеву ўзбраеньні на суму 26-30 мільёнаў даляраў. «Вельмі важна, каб дапамога паступала няспынна», — сказала міністарка, дадаўшы, што з пачатку вайны Чэхія накіравала Ўкраіне вайсковага рыштунку на суму больш за 150 мільёнаў долараў.
ГЛЯДЗІЦЕ ТАКСАМА: СМІ: Адміністрацыя Байдэна ўхваліла пастаўкі ва Ўкраіну ракетных сыстэм залпавага агнюЧэскія СМІ перадаюць, што ў ліку далейшых паставак будуць танкі Т-72, баявыя машыны пяхоты БМП-1, самаходныя гарматы-гаўбіцы і, магчыма, баявыя верталёты савецкай вытворчасьці.
ГЛЯДЗІЦЕ ТАКСАМА: Танкі, верталёты, ракеты Harpoon. Міністар абароны ЗША падвёў вынікі дапамогі Ўкраіне ад антыпуціскай кааліцыіПольшча перадае Ўкраіне 18 браняваных самаходных артылерыйскіх установак Krab калібру 155 мм, паведаміла ў нядзелю Польскае радыё, спаслаўшыся на свае крыніцы ў Міністэрстве абароны. Гэтыя ўстаноўкі польскай вытворчасьці могуць рабіць да шасьці стрэлаў за хвіліну на адлегласьць да 40 кілямэтраў. Адзначаецца, што Варшава навучыла працы на іх каля ста ўкраінскіх артылерыстаў.