Кіраўнікі спартыўных ведамстваў 35 краін падпісалі сумесную заяву з патрабаваньнямі прыпыніць сяброўства Расеі і Беларусі ў спартыўных арганізацыях і забараніць трансьляцыі міжнародных спаборніцтваў у гэтых краінах.
Тэкст заявы апублікаваны на сайце Міністэрства спорту і турызму Польшчы. Яе падпісалі 25 краінаў Эўразьвязу, а таксама міністры з Аўстралія, Вялікая Брытанія, ЗША, Ісьляндыя, Канада, Ліхтэнштэйн, Нарвэгія, Новая Зэляндыя, Паўднёвая Карэя, Японія. Дакумэнт не падтрымалі Баўгарыя, Вугоршчына і Швайцарыя.
У заяве яны патрабуюць:
- прыпыніць сяброўства спартыўных фэдэрацый Расеі і Беларусі ў якасьці чальцоў міжнародных спартовых фэдэрацый,
- адхіліць прадстаўнікоў Расеі і Беларусі, у тым ліку дзяржаўных службоўцаў, ад уплывовых пасадаў у міжнародных спартыўных фэдэрацыях, уключаючы праўленьні і арганізацыйныя камітэты;
- прыпыніць тэлевізійныя трансьляцыі міжнародных спартыўных падзей на тэрыторыях Расеі і Беларусі,
- у выпадку прыняцьця арганізацыямі спартыўных мерапрыемстваў рашэньня аб допуску да ўдзелу беларускіх і расейскіх спартоўцаў — забараніць выкарыстаньне дзяржаўнай сымболікі гэтых краін.
Рашэньне прынятае ў сувязі з вайной Расеі супраць Украіны, якую падтрымліваюць беларускія ўлады, і якая «зьяўляецца несправакаванай, неапраўданай і разбурае міжнародныя абавязацельствы Расеі».
ГЛЯДЗІЦЕ ТАКСАМА: «Беларускі спорт спыняе існаваньне». Што будзе зь беларускімі спартоўцамі пасьля пачатку вайны ва Ўкраіне ГЛЯДЗІЦЕ ТАКСАМА: Кіраўнік МАК патлумачыў, чаму спартоўцаў зь Беларусі і Расеі адхілілі ад спаборніцтваў ГЛЯДЗІЦЕ ТАКСАМА: Міжнародны зьвяз біятлёну прыпыніў сяброўства нацыянальных фэдэрацыяў Расеі і Беларусі ў арганізацыі ГЛЯДЗІЦЕ ТАКСАМА: Беларусь і Расею адхілілі ад усіх камандавых спаборніцтваў у тэнісе ГЛЯДЗІЦЕ ТАКСАМА: «У спорце поўны заняпад». Лыжнік Сяргей Далідовіч — аб ад’езьдзе з Беларусі ГЛЯДЗІЦЕ ТАКСАМА: Спартоўцаў Беларусі і Расеі адхілі ад удзелу ў міжнародных студэнцкіх спаборніцтвах