Мэта яго, паводле ініцыятараў – «нагадаць беларусам пра наш няспынны маратон да Перамогі».
Беларускія дыяспары разам з вольнымі спартоўцамі зладзілі спартовыя сьвяты.
2 кастрычніка беларусы Беластоку на гарадзкім пляжы Даліды, разгарнулі бел-чырвона-белыя сьцягі, а таксама вялікі банэр «Свабоду палітвязьням!» Футбаліст Дзьмітры Байдук арганізаваў майстар-кляс для маленькіх футбалістаў.
Беларусы Эстоніі зладзілі паўмаратон з нагоды Дня спартовай салідарнасьці, прабегшы зь бел-чырвона-белымі сьцягамі па Тарту, а ў Таліне зладзілі роварны заезд.
Беларуская дыяспара Кракава зладзіла забег салідарнасьці і гульню ў дартс. Да іх далучыліся трэнэр нацыянальнай зборнай Беларусі па фэхтаваньні Аляксандр Нікалайчук і беларускі футбаліст Сяргей Міхайлаў. Яны выказалі падтрымку беларускаму футбольнаму трэнэру Васілю Хамутоўскаму, якога затрымалі 30 верасьня.
ГЛЯДЗІЦЕ ТАКСАМА: Затрымалі былога брамніка футбольнай зборнай, пагражаюць крымінальнай справайБеларусы Вільні правялі футбольны матч з нагоды Дня спартовай салідарнасьці, да яго далучылася вольная спартоўка Кацярына Сныціна.
У Гдыні беларусы правялі роварны заезд уздоўж мора.
Спартовыя сьвяты ў розных формах прайшлі таксама ў Варшаве, у гарадах Нямеччыны, Францыі, ЗША, іншых краінаў.
ГЛЯДЗІЦЕ ТАКСАМА: Маўчаньне або выгнаньне. Лёс спартоўцаў пры дыктатуры ГЛЯДЗІЦЕ ТАКСАМА: Хто зь беларусаў падпісаў Міжнародную антываенную дэклярацыю спартоўца