Прэм’ер-міністар Польшчы Матэвуш Маравецкі склікаў тэрміновае пасяджэньне Рады нацыянальнай бясьпекі і абароны ў сувязі з «крызыснай сытуацыяй», паведамілі ў польскім урадзе.
«У сувязі з крызыснай сытуацыяй прэм'ер-міністр Маравецкі па ўзгадненьні з прэзыдэнтам Дудам распарадзіўся склікаць Бюро нацыянальнай бясьпекі з членамі Камітэту нацыянальнай бяспекі і абароны», — сказаў прэс-сакратар урада краіны Пётр Мюлер.
Мюлер дадаў, што ўрад будзе паведамляць любую інфармацыю, якая будзе апублікаваная, і папрасіў «не выдаваць непацьверджаныя зьвесткі». Тым часам некаторыя польскія СМІ паведамляюць, што на тэрыторыю Польшчы, блізка мяжы з Украінай, упалі дзьве расейскія ракеты.
Associated Press са спасылкай на ананімную высокапастаўленую амэрыканскую крыніцу паведамляе, што ў выніку падзеньня гэтых ракет загінулі два чалавекі.
Разам з тым агенцтва Reuters перадае, што Пэнтагон пакуль не гатовы пацьвердзіць зьвесткі аб дзьвюх расейскіх ракетах, якія заляцелі на тэрыторыю Польшчы.
Як мяркуецца, расейскія ракеты перасеклі польскую мяжу і ўпалі на сельскагаспадарчую фэрму.
Гэтае відэа распаўсюдзіла ў Twitter польскае Telewizja Republika.
Dwie rosyjskie rakiety na terytorium Polski? Miejsce wybuchu przy granicy z Ukrainą pod Hrubieszowem.#włączprawdę #TVRepublika pic.twitter.com/GHz6sXLeQL
— Telewizja Republika 🇵🇱 #włączprawdę (@RepublikaTV) November 15, 2022
«Адносна навінаў з Польшчы сёньняшняй ноччу пра як мінімум два выбухі. Мы падтрымліваем цесныя кантакты з польскімі сябрамі. Літва моцна салідарная з Польшчай. Кожны сантымэтар тэрыторыі NATO павінен быць абаронены!», — напісаў у Твітэры прэзыдэнт Літвы Гітанас Наўседа.
Concerning news from Poland tonight on at least two explosions.Keeping a close contact with our Polish friends. Lithuania 🇱🇹 stands in strong solidarity with Poland 🇵🇱. Every inch of #NATO territory must be defended!
— Gitanas Nausėda (@GitanasNauseda) November 15, 2022
«Мае спачуваньні нашым польскім братам па зброі. Злачынны расейскі рэжым выпусьціў ракеты, якія цэліліся ня толькі па цывільных украінцах, але і ўпалі на тэрыторыю NATO ў Польшчы. Латвія цалкам падтрымлівае польскіх сяброў і асуджае гэтае злачынства», — напісаў у Твітэры міністар абароны Латвіі Артыс Пабрыкс.
My condolences to our Polish brothers in arms. Criminal Russian regime fired missiles which target not only Ukrainian civilians but also landed on NATO territory in Poland. Latvia fully stands with Polish friends and condemns this crime.
— Artis Pabriks (@Pabriks) November 15, 2022
«Сёньняшнія масіраваныя ракетныя ўдары расейскай арміі па Ўкраіне яскрава паказваюць, што Расея хоча тэрарызаваць украінскі народ і працягваць разбураць краіну, – напісаў у Твітэры кіраўнік ураду Чэхіі Пэтр Фіяла. – Калі Польшча пацьвердзіць, што ракеты трапілі і па яе тэрыторыі, гэта будзе чарговая эскаляцыя з боку Расеі. Мы цьвёрда стаім за нашым саюзьнікам у ЭЗ і NATO».
Dnešní masivní raketové útoky ruské armády na Ukrajinu jasně ukazují, že Rusko chce terorizovat její obyvatele a zemi dál ničit.Pokud Polsko potvrdí, že rakety zasáhly i jeho území, půjde o další eskalaci ze strany Ruska.Stojíme pevně za naším spojencem v EU a NATO.
— Petr Fiala (@P_Fiala) November 15, 2022
«Апошнія навіны з Польшчы хвалююць больш за ўсё. Мы цесна кансультуемся з Польшчай і іншымі саюзьнікамі. Эстонія гатовая абараняць кожны сантымэтар тэрыторыі NATO. Мы цалкам салідарныя з нашым блізкім саюзьнікам Польшчай», – напісаў МЗС Эстоніі ў Твітэры.
Latest news from Poland is most concerning. We are consulting closely with Poland and other Allies. Estonia is ready to defend every inch of NATO territory. We’re in full solidarity with our close ally Poland 🇵🇱
— Estonian MFA 🇪🇪 | 🌻 #StandWithUkraine (@MFAestonia) November 15, 2022
«Сёньня здарылася тое, пра што мы папярэджвалі даўно. Тэрор не абмяжоўваецца нашымі нацыянальнымі межамі. Расейскія ракеты ўдарылі па Польшчы», — сказаў прэзыдэнт Украіны Ўладзімір Зяленскі ў сваім вячэрнім звароце. — Біць ракетамі па тэрыторыю NATO. Гэта расейскі ракетны ўдар па калектыўнай бясьпецы! Гэта вельмі істотная эскаляцыя. Трэба дзейнічаць».
Украіна выказвае поўную салідарнасьць з Польшчай і гатова аказаць ёй любую неабходную падтрымку, заявіў міністар замежных спраў Дзьмітро Кулеба.
«Калектыўны адказ на дзеяньні Расеі павінен быць жорсткім і прынцыповым. Сярод такіх неадкладных дзеяньняў: саміт NATO з удзелам Украіны для выпрацоўкі далейшых сумесных дзеяньняў, якія прымусяць Расею зьмяніць курс эскаляцыі, а таксама прадастаўленьне Ўкраіне сучасных зьнішчальнікаў, такіх як F-15 і F-16, а таксама сыстэмы супрацьпаветранай абароны», пералічыў ён.
Міністар абароны Славакіі Яра Над заявіў: «Вельмі занепакоены расейскімі ракетамі, якія ўпалі на Польшчу. Расея павінна растлумачыць, што здарылася. Неабходна неадкладна спыніць бессэнсоўныя напады на інфраструктуру. Неразважлівасьць Расеі выходзіць з-пад кантролю».
Лідэрка дэмакратычных сіл Беларусі Сьвятлана Ціханоўская таксама адрэагавала на падзеньне расейскіх ракет у Польшчы:
«Устрывожаная апошнімі навінамі аб гібелі двух чалавек у Польшчы ў выніку расейскай агрэсіі ва Ўкраіне. Мае думкі з сем'ямі ахвяраў. Эўропа сядзіць на парахавой бочцы, маючы за суседзяў двух злачынных дыктатараў — Пуціна і Лукашэнку», — напісала яна ў Twitter.
Alarmed by the latest news of 2 people being killed in Poland as a result of the Russian aggression in Ukraine. My thoughts are with the families of the victims. Europe is sitting on a powder keg while having two criminal dictators - Putin & Lukashenka - as neighbors. pic.twitter.com/hhZqpOiW52
— Sviatlana Tsikhanouskaya (@Tsihanouskaya) November 15, 2022
Міністэрства абароны Расеі назвала паведамленьні аб падзеньні расейскіх ракет на тэрыторыі Польшчы «наўмыснай правакацыяй у мэтах эскаляцыі абстаноўкі».
«Ніякіх удараў па цэлях каля ўкраінска-польскай дзяржаўнай мяжы расейскімі сродкамі паражэньня не наносілася. Апублікаваныя па гарачых сьлядах польскімі СМІ зь месца здарэньня ў населеным пункце Пшаводаў абломкі ня маюць ніякага дачыненьня да расейскіх сродкаў паражэньня», — гаворыцца ў паведамленьні ведамства.
- 15 лістапада Расея нанесла адзін з самых маштабных з пачатку вайны ракетных удараў па Ўкраіне. Было выпушчана каля 100 ракет. У тым ліку ўдары наносіліся па мэтам у Львоўскай вобласьці, якая мяжуе з Польшчай.