Урад дапоўніў сьпіс замежных інвэстараў, якім забараняецца адчужэньне прыналежных ім акцыяў (доляў у статутных фондах) беларускіх арганізацый.
Пра гэта паведамляе ўрадавы Тэлеграм-канал.
У сьпіс унесеныя ТАА «Нерухомасьць Усход» і акцыянэрнае таварыства Synevo.
Швэдзкі холдынг Medicover меў намер пазбавіцца ад доляў у беларускіх кампаніях «Нерухомасьць Усход» і Synevo.
Свае беларускія актывы Medicover ацэньвае ў €14,5 млн.
Паводле зьвестак «Нашай нівы», сетку Synevo у Беларусі мела намер выкупіць расейская сетка Helix.
ГЛЯДЗІЦЕ ТАКСАМА: Швэдзкі ўласьнік найбуйнейшай дыягнастычнай сеткі Synevo сыходзіць зь БеларусіРашэньне ўраду забараніць замежным інвэстарам адчужэньне акцыяў і доляў у статутных фондах «Нерухомасьці Ўсход» і Synevo выключае магчымасьць іх продажу каму б там ні было.
ГЛЯДЗІЦЕ ТАКСАМА: Лукашэнка прыгразіў замежным кампаніям нацыяналізацыяй, калі яны паспрабуюць сысьці зь беларускага рынкуРаней Аляксандар Лукашэнка заявіў, што калі заходнія інвэстары паспрабуюць пазбавіцца ад сваіх беларускіх актываў, іх маёмасьць у Беларусі будзе нацыяналізаваная.