Гэты дзень у гісторыі
1596 — У Берасьці частка праваслаўных япіскапаў абвясьціла аб’яднаньне праваслаўнай царквы ў Рэчы Паспалітай з каталіцкай царквой (Берасьцейская унія). Праваслаўныя прызналі галавой царквы папу Рымскага, але захавалі свае абрады і звычаі.
Царква сьвятога Мікалая, у якой у 1596 годзе была абвешчаная Берасьцейская унія
1788 — распачаўся Чатырохгадовы Сойм Рэчы Паспалітай (іншая назва — Вялікі Сойм). Сойм правёў шэраг радыкальных рэформаў у эканамічнай, палітычнай і сацыяльнай сфэрах:
- увядзеньне рэкрутчыны па тэрытарыяльным прынцыпе;
- павелічэньне колькасьці войска;
- частковае зраўнаньне ў правах мяшчан са шляхтаю;
- наданьне правоў габрэям і праваслаўным.
3 траўня 1791 году Чатырохгадовы сойм прыняў першую ў Эўропе Канстытуцыю.
1939 — скончылася польская абарончая вайна. Пад Коцкам перад немцамі капітулявала апошняя рэгулярная частка польскай арміі — самастойная апэратыўная група «Палесьсе» пад камандаваньнем генэрала Францішка Клебэрга.
1948 — у сталіцы Туркмэніі Ашгабаце адбыўся трагічны землятрус, у якім, паводле найноўшых дадзеных, загінулі каля 160 тысяч чалавек.
1973 —Егіпет і Сырыя напалі на Ізраіль — пачатак Вайны Суднага дня.
Падбітыя сырыйскія танкі на Галанскіх вышынях падчас вайны Суднага дня, кастрычнік 1973
У гэты дзень нарадзіліся
1876 — Ян Булгак, фотамастак і этнограф.
1887 — Ле Карбюзье, францускі архітэктар і дызайнэр.
Ле Карбюзье. Жылы дом у пасёлку Вэйсэнгоф, Штутгарт, Нямеччына. 1927 год.
1908 — Алесь Мілюць, заходнебеларускі паэт.
У памяці
1677 — Альбэрт Каяловіч, беларускі пісьменьнік, палеміст, гісторык.
1809 — Францішак Бялінскі, генэрал-маёр войска кароннага, пісар вялікі каронны, асьветнік, пэдагог, прыхільнік усеагульнай адукацыі.
1996 — Станіслаў Калясанты Роек, рымска-каталіцкі дзеяч, ксёндз.
2004 — Васіль Мельяновіч, дзеяч паваеннай эміграцыі ў ЗША.
2005 — Алесь Емяльянаў, паэт, удзельнік нацыянальна-дэмакратычнага руху 1980–1990-х.
Алесь Емяльянаў