Ізраільскія танкі прынялі ўдзел у «мэтанакіраваным рэйдзе» ноччу на поўначы Газы, гаворыцца ў заяве Арміі абароны Ізраілю ў чацьвер. Яна працягвае рыхтаваць свае сілы да наземнага ўварваньня.
«Уначы Армія абароны Ізраілю правяла мэтанакіраваны рэйд з выкарыстаньнем танкаў на поўначы сэктару Газа ў рамках падрыхтоўкі да наступных этапаў баявых дзеяньняў», — заявілі ў ЦАХАЛ.
«Салдаты пакінулі зону ў канцы дзеяньняў», — дадалі вайскоўцы, якіх цытуе AFP.
Па словах ізраільскіх вайскоўцаў, падчас начнога рэйду «салдаты выявілі і нанесьлі ўдары па шматлікіх тэрарыстах, тэрарыстычнай інфраструктуры і пускавым пунктам супрацьтанкавых ракет, а таксама падрыхтавалі поле бою».
ГЛЯДЗІЦЕ ТАКСАМА: Вайна Ізраіль — ХАМАС: кіраўнік Пэнтагону сказаў, у якім выпадку ЗША гатовыя дзейнічаць. Ізраільскі танк выпадкова абстраляў эгіпецкі постВайсковы прадстаўнік пацьвердзіў агенцтву AFP, што гэта ня першы раз, калі ізраільскія салдаты і танкі ўвайшлі ў Газу для абмежаваных уварваньняў з 7 кастрычніка.
Увечары 25 кастрычніка прэм’ер-міністар Ізраілю Біньямін Нэтаньягу заявіў, што разам з кампаніяй цяжкіх бамбаваньняў Газы, якую кантралюе ХАМАС, войска рыхтуецца да наземнага наступу.
7 кастрычніка баевікі ХАМАС з тэрыторыі Газы напалі на Ізраіль, забіўшы 1400 чалавек, у асноўным мірных жыхароў, і выкраўшы яшчэ 222, паводле ізраільскіх афіцыйных асоб. Больш за 6500 жыхароў Газы загінулі ў выніку паветранага нападу Ізраілю, паводле зьвестак, апублікаваных падкантрольным ХАМАС міністэрствам аховы здароўя.
ГЛЯДЗІЦЕ ТАКСАМА: З кім сябруе Беларусь на Блізкім Усходзе? Інфаграфіка ГЛЯДЗІЦЕ ТАКСАМА: Рада Бясьпекі ААН адхіліла і расейскі, і амэрыканскі праекты рэзалюцый аб сытуацыі ў Ізраілі і ГазеВайна Ізраілю з ХАМАСам. Асноўнае
- 7 кастрычніка Ізраіль зазнаў ракетнага ўдару з боку сэктару Газа, а баевікі руху ХАМАС прарваліся на тэрыторыю краіны, забіўшы ня меней за 260 удзельнікаў музычнага фэсту і захапіўшы сотні закладнікаў. Некаторых людзей расстрэльвалі проста на вуліцах.
- Уварваньне з сэктару Газа адбылося ў 50-ю гадавіну пачатку вайны Суднага дня 1973 году.
- Армія абароны Ізраілю (ЦАХАЛ) у адказ на атаку пачала ваенную апэрацыю «Жалезныя мячы». Ужо 8 кастрычніка Ізраіль афіцыйна абвясьціў стан вайны.
- ХАМАС папярэдзіў, што будзе забіваць аднаго з закладнікаў кожны раз, калі ізраільскія вайскоўцы будуць бамбіць цывільныя аб’екты ў Газе.
- Іран заявіў, што не бярэ ўдзелу ў вайне, але адкрыта заявіў пра падтрымку дзеяньняў ХАМАСу. Найвышэйшы ўладар Ірану аятала Алі Хамэнэі заявіў: «Мы цалуем рукі тым, хто плянаваў напад на сыянісцкі рэжым».
- Колькасьць параненых беларусаў на 10 кастрычніка — 3 чалавекі. Стан адной з параненых жанчын цяжкі.
- 10 кастрычніка ў кібуцы Кфар Аза побач з сэктарам Газа выявілі целы дзясяткаў забітых, у тым ліку малых дзяцей.
- Міністар абароны Ізраілю Яаў Галант 11 кастрычніка заявіў, што войска пераходзіць да поўнамаштабнага наступу на сэктар Газа.
- Лібанская ўзброеная групоўка «Хезбала» 11 кастрычніка абстраляла супрацьтанкавымі ракетамі пазыцыі ізраільскіх вайскоўцаў і заявіла, што забіла і параніла іх.
- Па стане на 17 кастрычніка вядома, што ў Ізраілі з пачатку вайны загінулі трое грамадзян Беларусі.
- Ізраіль у лістападзе пайшоў у атаку на сэктар Газа і заявіў аб пашырэньні наземнай апэрацыі.
- 22 лістапада стала вядома, што Ізраіль і ХАМАС у Катары падпісалі пагадненьне ад замірэньні на 4 дні. Пазьней замірэньне падоўжылі, але ўжо 30 лістапада яно спынілася пасьля ракет з Газы па Ізраілі, заявілі ў ЦАХАЛ.
- За час замірэньня з палону ХАМАС было вызвалена 105 закладнікаў, а з ізраільскіх турмаў 240 палестынскіх зьняволеных.
- 6 студзеня Ізраіль заявіў пра тое, што поўнач Газы зачышчаная ад баевікоў ХАМАС.
- Разбуральная вайна Ізраілю ў cэктары Газа ў лічбах.
-
«Хэзбала» выпусьціла ракеты па Ізраілі на наступны дзень пасьля нападу ХАМАС, у кастрычніку 2023 году. З таго часу абстрэлы на мяжы адбываюцца амаль штодня. Дзясяткі тысяч жыхароў эвакуавалі з прымежных раёнаў з абодвух бакоў.
-
«Хэзбала» — ваенізаваная групоўка і палітычная партыя, якая кантралюе значную частку паўднёвага Лібану. Злучаныя Штаты лічаць яе тэрарыстычнай арганізацыяй. Эўрапейскі Зьвяз унёс у свой сьпіс такіх арганізацыяў толькі яе ўзброенае крыло, але не палітычную партыю (партыя «Хэзбалы» прадстаўлена ў парлямэнце Лібану). «Хэзбала» таксама ёсьць часткаю так званай іранскай «восі супраціву» — сеткі іранскіх давераных асобаў і падтрыманых Тэгеранам групаў баевікоў, якія выступаюць супраць Ізраілю і ЗША.
- Увосень 2024 году рэзка вырасла супрацьстаяньне на ізраільска-лібанскай мяжы. «Хэзбала» атакавала Ізраіль, а ў Тэль-Авіве вырашылі правесьці сэрыю авіяналётаў, каб зьнішчыць атакавальны патэнцыял «Хэзбалы».
- 23 верасьня Ізраіль распачаў першую з 2006 году наземную апэрацыю на поўдні Лібану, калі пачалася Другая лібанская вайна (Ліпеньская вайна). Апэрацыю назвалі «Стрэлы поўначы».
- 27 верасьня Ізраіль нанёс магутныя ўдары па Лібане і забіў лідэра «Хэзбалы» Хасана Насралу.
- 3 кастрычніка Армія абароны Ізраілю паведаміла пра атаку на аб’екты «Хэзбалы» ў Бэйруце.
- Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.