Першапачаткова плянавалася сабраць 5000 даляраў, але ў выніку было сабрана на тысячу больш.
«Цяпер у хлопцаў ёсьць 8 сучасных дронаў-камікадзэ і камплектуючыя да іх. 1-я АДШР зараз ваюе на адным з самых цяжкіх участкаў фронту і ўвесь час мае патрэбу ў нашай падтрымцы». — гаворыцца ў тэлеграм-канале роты.
Пра стварэньне беларускай роты прадстаўнік Аб’яднанага пераходнага кабінэта Беларусі ў пытаньнях абароны Валер Сахашчык расказаў у чэрвені. Яна ўваходзіць у склад 79-й дэсантна-штурмавой брыгады ўкраінскай арміі, якая ваюе ад часу баёў за данецкі аэрапорт у 2014 годзе. Некаторыя яе вайскоўцы – тыя самыя славутыя «кібаргі».
ГЛЯДЗІЦЕ ТАКСАМА: «Сахашчык сам удзельнічае ў баявых апэрацыях». Баец з новай дэсантнай роты беларусаў расказаў, чым яны займаюцца на Данбасе ГЛЯДЗІЦЕ ТАКСАМА: Беларускага добраахвотніка Зьмітра Рубашэўскага пасьмяротна ўзнагародзілі «Хрестом Хоробрих»
На Данбасе брыгада да сёньня. Там жа выконвае свае баявыя задачы і беларуская рота. Яна ўдзельнічае ў адбіцьці расейскага наступу, які цяпер ідзе практычна на ўсіх пазыцыях брыгады.