Паводле японскага тэлеканалу NHK, лайнэр ляцеў у Токіё з Хакайда. Ён сутыкнуўся з самалётам берагавой аховы ў небе над аэрапортам. У самалёце берагавой аховы было шэсьць чалавек. Аднаму зь іх удалося эвакуавацца, іншыя загінулі.
Экіпаж берагавой аховы рыхтаваўся вылятаць у раёны, якія пацярпелі ад землятрусу.
Берагавая ахова паведаміла, што ў сутыкненьні ўдзельнічаў адзін зь яе самалётаў, які накіроўваўся ў аэрапорт Ніігата на заходнім узьбярэжжы Японіі, каб даставіць дапамогу тым, хто пацярпеў ад моцнага землятрусу, які адбыўся ў дзень Новага года, у выніку чаго загінулі па меншай меры 48 чалавек.
З 1 студзеня ў Японіі адбылося больш за 150 падземных штуршкоў. Магнітуда наймацнейшага дасягала 7,6.
Для ўсяго заходняга ўзьбярэжжа была аб'яўлена пагроза цунамі, яе адмянілі праз суткі.
ГЛЯДЗІЦЕ ТАКСАМА: У Японіі падчас землятрусу загінулі ня менш за 48 чалавек. ФОТА